The news is by your side.

ಕ್ಯಾನ್ಸರ್‌ ಗೆ ರಾಮಬಾಣ ಮತ್ತು ಮನೆಮದ್ದು ಈ ಲಕ್ಷ್ಮಣ ಫಲ.. ಉಪಯುಕ್ತ ಮಾಹಿತಿ

ಸೀತಾಫಲ, ರಾಮಫಲದ ಬಗ್ಗೆ ಎಲ್ಲರಿಗೂ ಗೊತ್ತು. ಇದ್ಯಾವುದಪ್ಪ ಲಕ್ಷಣಫಲ ಎಂಬ ಪ್ರಶ್ನೆ ನಿಮ್ಮನ್ನು ಕಾಡಬಹುದು. ಜನಸಾಮಾನ್ಯರ ಬಾಯಿಯಲ್ಲಿ ಇದು ಮುಳ್ಳು ಹಲಸಿನಹಣ್ಣು. ಸಸ್ಯ ಶಾಸ್ತ್ರಜ್ಞರನ್ನು ಕೇಳಿದರೆ ಗ್ರಾವಿಯೋಲಾ. ನೋಡುವುದಕ್ಕೆ ಹಲಸಿನ ಥರ ಮೈಯೆಲ್ಲ ಮುಳ್ಳುಮುಳ್ಳು. ಗಾತ್ರದಲ್ಲಿ ಸೀತಾಫಲಕ್ಕಿಂತ ದೊಡ್ಡದು, ರಾಮಫಲಕ್ಕಿಂತ ಚಿಕ್ಕದು. ತಿನ್ನಲು ಸ್ವಲ್ಪ ಉಪ್ಪುಪ್ಪು, ಸಿಹಿ ಹಾಗೂ ಸ್ವಲ್ಪ ಕಹಿ. ಆದರೆ ಲಕ್ಷ್ಮಣ ಫಲ ನಿಜಕ್ಕೂ ರುಚಿಕರ ಹಣ್ಣು.

ಅನೇಕ ಮಂದಿಗೆ ಇನ್ನೂ ಈ ಹಣ್ಣಿನ ಪರಿಚಯ ಇರಲಿಕ್ಕಿಲ್ಲ. ಇದರ ಮೂಲ ದಕ್ಷಿಣ ಅಮೆರಿಕ ಹಾಗೂ ದಕ್ಷಿಣ ಆಫ್ರಿಕಾದ ಕಾಡುಗಳು. ಆದರೆ ಭಾರತದಲ್ಲೂ ಧಾರಾಳವಾಗಿ ಕಂಡುಬರುವ ಈ ಲಕ್ಷ್ಮಣಫಲ, ಹೇರಳವಾದ ಔಷಧೀಯ ಗುಣಗಳಿಂದ ಕೂಡಿದೆ ಎನ್ನುತ್ತವೆ ಇತ್ತೀಚೆಗೆ ನಡೆಸಲಾದ ಸಂಶೋಧನೆಗಳು.

ಮುಖ್ಯವಾಗಿ, ಲಕ್ಷ್ಮಣಫಲ ಕ್ಯಾನ್ಸರಿಗೆ ರಾಮಬಾಣವೆಂದು ಸಂಶೋಧನೆಗಳಿಂದ ದೃಢಪಟ್ಟಿದೆ. ಲಕ್ಷ್ಮಣಫಲದ ಜ್ಯೂಸ್ ಅಥವಾ ಹಣ್ಣನ್ನು ಜೇನುತುಪ್ಪದೊಂದಿಗೆ ಸೇವಿಸುವುದರಿಂದ ವಿಶೇಷ ರೋಗನಿರೋಧಕ ಶಕ್ತಿ ಪಡೆಯಬಹುದೆಂದು ಕಂಡು ಹಿಡಿಯಲಾಗಿದೆ. ಕೇವಲ ಹಣ್ಣಲ್ಲದೆ ಲಕ್ಷ್ಮಣಫಲ ಗಿಡದ ಎಲೆ, ತೊಗಟೆಗಳೂ ಕ್ಯಾನ್ಸರ್‌ಗೆ ಔಷಧವಾಗಬಲ್ಲ ವಿಶೇಷ ಗುಣವನ್ನು ಹೊಂದಿರುವ ಬಗ್ಗೆ ಸಂಶೋಧನೆಗಳು ನಡೆದಿವೆ. ಲಕ್ಷ್ಮಣ ಫಲದಿಂದ ಎಲ್ಲ ಬಗೆಯ ಕ್ಯಾನ್ಸರ್‌ಗಳಿಗೂ ರಾಮಬಾಣ ಎನ್ನಲಾಗುತ್ತದೆ.

ಲಕ್ಷ್ಮಣಫಲದ ಜ್ಯೂಸ್ ಕ್ಯಾನ್ಸರ್ ಚಿಕಿತ್ಸೆಗಾಗಿ ಬಳಸುವ ಕಿಮೋಥೆರಪಿಗಿಂತಲೂ ಹೆಚ್ಚು ಪರಿಣಾಮಕಾರಿ. ಕ್ಯಾನ್ಸರ್ ರೋಗಿಗಳು ಇದನ್ನು ನಿಯಮಿತವಾಗಿ ಸೇವಿಸುತ್ತ ಬಂದರೆ ಅವರು ಇನ್ನೂ ಹೆಚ್ಚು ದಿನಗಳ ಕಾಲ ಬದುಕಬಹುದು ಎಂಬ ಅಭಿಪ್ರಾಯವಿದೆ.

ಲಕ್ಷ್ಮಣಫಲವನ್ನು ವಾಣಿಜ್ಯ ಉದ್ದೇಶಕ್ಕೂ ಬೆಳೆಯುವ ಪ್ರಯತ್ನಗಳು ಇತ್ತೀಚೆಗೆ ಆರಂಭವಾಗಿವೆ. ತುಮಕೂರಿನ ದಾಬಸ್‌ಪೇಟೆ ಬಳಿಯ ಗಂಗಪ್ಪ ಎಂಬವರು ಪ್ರಾಯೋಗಿಕವಾಗಿ ಕೆಲವು ಗಿಡಗಳನ್ನು ಬೆಳೆದಿದ್ದಾರೆ. ಮಾರುಕಟ್ಟೆಯಲ್ಲಿ ಈಗ ಲಕ್ಷ್ಮಣಫಲಕ್ಕೆ ಒಂದು ಕಿಲೋಗೆ 400 ರಿಂದ 500 ರೂ ದರವಿದೆ. ಸಾಮಾನ್ಯವಾಗಿ ಒಂದು ವರ್ಷದಲ್ಲಿ ಗಿಡವೊಂದು ಕನಿಷ್ಠ 40 ರಿಂದ 50 ರಷ್ಟು ಹಣ್ಣುಗಳನ್ನು ಬೆಳೆಯುತ್ತದೆ.

- Advertisement -

Leave A Reply

Your email address will not be published.