ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಮತ್ತೊಮ್ಮೆ RBI ಕಠಿಣ ಕ್ರಮ ಕೈಗೊಂಡಿದ್ದು, ಕರ್ನಾಟಕದ ಗೋಕಾಕ್ ಮೂಲದ ಶ್ರೀ ಮಹಾಲಕ್ಷ್ಮಿ ಅರ್ಬನ್ ಕೋ-ಆಪರೇಟಿವ್ ಕ್ರೆಡಿಟ್ ಬ್ಯಾಂಕ್ನ ಪರವಾನಗಿಯನ್ನು ರದ್ದುಪಡಿಸಿದೆ. ಬ್ಯಾಂಕಿನ ಆರ್ಥಿಕ ಸ್ಥಿತಿ ಹದಗೆಟ್ಟಿರುವ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದ್ದು, ಇದೇ ವೇಳೆ ಇನ್ನೂ ಐದು ಸಹಕಾರಿ ಬ್ಯಾಂಕ್ಗಳ ಮೇಲೆ ದಂಡವೂ ವಿಧಿಸಲಾಗಿದೆ.
ಭಾರತದಲ್ಲಿ ಬ್ಯಾಂಕುಗಳು, ಎನ್ಬಿಎಫ್ಸಿಗಳು, ಸ್ಮಾಲ್ ಫೈನಾನ್ಸ್ ಬ್ಯಾಂಕುಗಳು ಹಾಗೂ ಸಹಕಾರಿ ಬ್ಯಾಂಕುಗಳ ನಿಯಂತ್ರಣ ಸಂಸ್ಥೆಯಾದ RBI ಮತ್ತೊಮ್ಮೆ ಕಠಿಣ ಕ್ರಮ ಕೈಗೊಂಡಿದೆ.ಕರ್ನಾಟಕದ ಗೋಕಾಕ್ ಕೇಂದ್ರವಾಗಿರುವ ಶ್ರೀ ಮಹಾಲಕ್ಷ್ಮಿ ಅರ್ಬನ್ ಕೋ-ಆಪರೇಟಿವ್ ಕ್ರೆಡಿಟ್ ಬ್ಯಾಂಕಿನ ಪರವಾನಗಿಯನ್ನು RBI ರದ್ದುಪಡಿಸಿದೆ. ಜೂನ್ 18 ರಂದು ಹೊರಡಿಸಿದ ಪ್ರಕಟಣೆಯಲ್ಲಿ, ಬ್ಯಾಂಕಿನ ಬಳಿ ಸಮರ್ಪಕ ಬಂಡವಾಳ ಮೀಸಲು ಇಲ್ಲದಿರುವುದು ಹಾಗೂ ಅದರ ಆರ್ಥಿಕ ಸ್ಥಿತಿ ನಿರಂತರವಾಗಿ ಹದಗೆಡುತ್ತಿರುವುದರಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಿಳಿಸಿದೆ.
ಜೂನ್ 18ರಿಂದಲೇ ಬ್ಯಾಂಕ್ ಬಂದ್
RBI ಆದೇಶದ ಪ್ರಕಾರ, ಬ್ಯಾಂಕ್ ಇನ್ನು ಮುಂದೆ ಹೊಸ ಠೇವಣಿಗಳನ್ನು ಸ್ವೀಕರಿಸುವಂತಿಲ್ಲ ಹಾಗೂ ಹಳೆಯ ಠೇವಣಿಗಳನ್ನು ಹಿಂತಿರುಗಿಸುವಂತಿಲ್ಲ. ಅಂದರೆ, ಬ್ಯಾಂಕಿನ ಎಲ್ಲಾ ವ್ಯವಹಾರ ಚಟುವಟಿಕೆಗಳನ್ನು ಜೂನ್ 18ರಿಂದಲೇ ಸ್ಥಗಿತಗೊಳಿಸಲಾಗಿದೆ.ಬ್ಯಾಂಕಿನ ಲಿಕ್ವಿಡೇಶನ್ (ದಿವಾಳಿ ಪ್ರಕ್ರಿಯೆ) ನಡೆಸಲು ಲಿಕ್ವಿಡೇಟರ್ ನೇಮಕ ಮಾಡುವಂತೆ ಕರ್ನಾಟಕ ಸಹಕಾರ ಸಂಘಗಳ ನೋಂದಣಾಧಿಕಾರಿಗೆ ಸೂಚಿಸಲಾಗಿದೆ.
ಠೇವಣಿದಾರರ ಹಣಕ್ಕೆ ಏನಾಗುತ್ತದೆ ?
ಬ್ಯಾಂಕ್ ದಿವಾಳಿಯಾದರೂ ಠೇವಣಿದಾರರು ಆತಂಕ ಪಡುವ ಅಗತ್ಯವಿಲ್ಲ. Deposit Insurance and Credit Guarantee Corporation (DICGC) ವಿಮಾ ಯೋಜನೆಯಡಿ ಪ್ರತಿ ಠೇವಣಿದಾರರಿಗೆ ಗರಿಷ್ಠ ₹5 ಲಕ್ಷದವರೆಗೆ ರಕ್ಷಣೆ ಲಭ್ಯವಿದೆ.RBI ಮಾಹಿತಿ ಪ್ರಕಾರ, ಸುಮಾರು 97.9% ಠೇವಣಿದಾರರು ತಮ್ಮ ಸಂಪೂರ್ಣ ಠೇವಣಿ ಮೊತ್ತವನ್ನು ಮರಳಿ ಪಡೆಯುವ ಸಾಧ್ಯತೆ ಇದೆ.ಗೋಕಾಕ್ನ ಶ್ರೀ ಮಹಾಲಕ್ಷ್ಮಿ ಅರ್ಬನ್ ಕೋ-ಆಪರೇಟಿವ್ ಕ್ರೆಡಿಟ್ ಬ್ಯಾಂಕ್ನ ಪರವಾನಗಿ ರದ್ದುಗೊಂಡಿದ್ದರೂ, ಠೇವಣಿದಾರರು ಆತಂಕಪಡುವ ಅಗತ್ಯವಿಲ್ಲ ಎಂದು RBI ಸ್ಪಷ್ಟಪಡಿಸಿದೆ. DICGC ವಿಮಾ ಯೋಜನೆಯಡಿ ಅರ್ಹ ಠೇವಣಿದಾರರಿಗೆ ಗರಿಷ್ಠ ₹5 ಲಕ್ಷದವರೆಗೆ ಹಣ ಮರುಪಾವತಿಯಾಗಲಿದ್ದು, ಸುಮಾರು 97.9% ಗ್ರಾಹಕರು ತಮ್ಮ ಸಂಪೂರ್ಣ ಠೇವಣಿ ಮೊತ್ತವನ್ನು ಪಡೆಯಲಿದ್ದಾರೆ. ಆದರೆ ಈ ಘಟನೆ ಸಹಕಾರಿ ಬ್ಯಾಂಕುಗಳು RBI ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವ ಅಗತ್ಯವನ್ನು ಮತ್ತೊಮ್ಮೆ ನೆನಪಿಸಿದೆ.
ಇನ್ನೂ 5 ಬ್ಯಾಂಕ್ ಗಳಿಗೆ ದಂಡ
• Nashik Road Deolali Vyapari Sahakari Bank – ₹2.10 ಲಕ್ಷ ದಂಡ
• Chitradurga District Cooperative Central Bank Limited – ₹1.50 ಲಕ್ಷ ದಂಡ
• Wardha District Ashirwad Mahila Nagari Sahakari Bank – ₹20,000 ದಂಡ
• Sarvodaya Commercial Co-operative Bank – ₹20,000 ದಂಡ
• Navapur Mercantile Co-operative Bank – ₹10,000 ದಂಡ
