JOB ALERT : ಭಾರತೀಯ ರೈಲ್ವೆ ಇಲಾಖೆಯಲ್ಲಿ 590 ಪ್ಯಾರಾಮೆಡಿಕಲ್ ಹುದ್ದೆಗಳಿಗೆ ಅರ್ಜಿ ಆಹ್ವಾನ, ಇಲ್ಲಿದೆ ಸಂಪೂರ್ಣ ಮಾಹಿತಿ

ಭಾರತೀಯ ರೈಲ್ವೆಯಲ್ಲಿ ಉದ್ಯೋಗ ಪಡೆಯಲು ಎದುರು ನೋಡುತ್ತಿರುವ ಅಭ್ಯರ್ಥಿಗಳಿಗೆ ಗುಡ್ ನ್ಯೂಸ್. ರೈಲ್ವೆ ನೇಮಕಾತಿ ಮಂಡಳಿಗಳು (RRBs) CEN No. 05/2026 ಮೂಲಕ ಪ್ಯಾರಾಮೆಡಿಕಲ್ ವಿಭಾಗದ ವಿವಿಧ ಹುದ್ದೆಗಳ ನೇಮಕಾತಿಗೆ ಅಧಿಸೂಚನೆ ಹೊರಡಿಸಿವೆ.

ಈ ನೇಮಕಾತಿ ಮೂಲಕ ಒಟ್ಟು 590 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತದೆ. ಆನ್‌ಲೈನ್ ಅರ್ಜಿ ಪ್ರಕ್ರಿಯೆ 2026ರ ಸೆಪ್ಟೆಂಬರ್ 15ರಿಂದ ಆರಂಭವಾಗಲಿದೆ. ಅರ್ಹ ಅಭ್ಯರ್ಥಿಗಳು ಅಕ್ಟೋಬರ್ 14, 2026ರ ರಾತ್ರಿ 11:59 ಗಂಟೆಯವರೆಗೆ ಅರ್ಜಿ ಸಲ್ಲಿಸಬಹುದು.

ಪ್ರಮುಖ ದಿನಾಂಕಗಳು

• ಸೂಚನಾ ಅಧಿಸೂಚನೆ: ಸೆಪ್ಟೆಂಬರ್ 12, 2026

• ಆನ್‌ಲೈನ್ ಅರ್ಜಿ ಆರಂಭ: ಸೆಪ್ಟೆಂಬರ್ 15, 2026

• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಅಕ್ಟೋಬರ್ 14, 2026, ರಾತ್ರಿ 11:59

• ಅರ್ಜಿ ಶುಲ್ಕ ಪಾವತಿಗೆ ಕೊನೆಯ ದಿನಾಂಕ: ಅಕ್ಟೋಬರ್ 16, 2026

• ಅರ್ಜಿ ತಿದ್ದುಪಡಿ ವಿಂಡೋ: ಅಕ್ಟೋಬರ್ 17ರಿಂದ 26, 2026

• ಸ್ಕ್ರೈಬ್ ವಿವರ ಸಲ್ಲಿಕೆ: ಅಕ್ಟೋಬರ್ 27ರಿಂದ 31, 2026

• CBT ಪರೀಕ್ಷೆ: ದಿನಾಂಕವನ್ನು ನಂತರ ಪ್ರಕಟಿಸಲಾಗುತ್ತದೆ

ಹುದ್ದೆವಾರು ಖಾಲಿ ಹುದ್ದೆಗಳು

RRB ಪ್ಯಾರಾಮೆಡಿಕಲ್ ನೇಮಕಾತಿ 2026ರಲ್ಲಿ Nursing Superintendent ಹುದ್ದೆಗೆ 365 ಖಾಲಿ ಹುದ್ದೆಗಳಿವೆ. ಈ ಹುದ್ದೆ ಲೆವೆಲ್-7 ವೇತನ ಶ್ರೇಣಿಯಲ್ಲಿದ್ದು, ಆರಂಭಿಕ ವೇತನ ₹44,900 ಆಗಿದೆ.

Dialysis Technicianಗೆ 1, Health & Malaria Inspector Gr. IIಗೆ 43 ಹಾಗೂ Audiologist & Speech Therapistಗೆ 1 ಹುದ್ದೆ ಇದೆ. ಈ ಮೂರು ಹುದ್ದೆಗಳು ಲೆವೆಲ್-6ನಲ್ಲಿದ್ದು, ಆರಂಭಿಕ ವೇತನ ₹35,400.

Pharmacist (Entry Grade)ಗೆ 118 ಮತ್ತು Radiographer/X-Ray Technicianಗೆ 25 ಹುದ್ದೆಗಳಿವೆ. ಈ ಎರಡೂ ಹುದ್ದೆಗಳು ಲೆವೆಲ್-5ನಲ್ಲಿದ್ದು, ಆರಂಭಿಕ ವೇತನ ₹29,200.

ECG Technicianಗೆ 4 ಹಾಗೂ Optometristಗೆ 2 ಹುದ್ದೆಗಳಿವೆ. ಇವು ಲೆವೆಲ್-4ನಲ್ಲಿದ್ದು, ಆರಂಭಿಕ ವೇತನ ₹25,500.

Lab Assistant Gr. IIಗೆ 31 ಹುದ್ದೆಗಳಿದ್ದು, ಇದು ಲೆವೆಲ್-3 ವೇತನ ಶ್ರೇಣಿಯಲ್ಲಿದೆ. ಆರಂಭಿಕ ವೇತನ ₹21,700.

ಒಟ್ಟಾರೆ RRB ಪ್ಯಾರಾಮೆಡಿಕಲ್ ವಿಭಾಗದಲ್ಲಿ 590 ಹುದ್ದೆಗಳು ಖಾಲಿ ಇವೆ.

ವಯೋಮಿತಿ ಎಷ್ಟು?

ಹುದ್ದೆಗೆ ಅನುಗುಣವಾಗಿ ಅಭ್ಯರ್ಥಿಗಳ ವಯಸ್ಸು 18ರಿಂದ 40 ವರ್ಷಗಳೊಳಗೆ ಇರಬೇಕು. ವಯಸ್ಸನ್ನು 2027ರ ಜನವರಿ 1ರಂದು ಲೆಕ್ಕ ಹಾಕಲಾಗುತ್ತದೆ. SC, ST, OBC, PwBD, ಮಾಜಿ ಸೈನಿಕರು ಸೇರಿದಂತೆ ಮೀಸಲಾತಿ ವರ್ಗಗಳಿಗೆ ಸರ್ಕಾರದ ನಿಯಮಗಳ ಪ್ರಕಾರ ವಯೋಮಿತಿ ಸಡಿಲಿಕೆ ಅನ್ವಯಿಸುತ್ತದೆ.

ಶೈಕ್ಷಣಿಕ ಅರ್ಹತೆ

ಹುದ್ದೆಗೆ ಅನುಗುಣವಾಗಿ ಶೈಕ್ಷಣಿಕ ಅರ್ಹತೆ ಬದಲಾಗುತ್ತದೆ.

• Nursing Superintendent: B.Sc Nursing ಅಥವಾ GNM ಜೊತೆಗೆ Registered Nurse & Midwife ಪ್ರಮಾಣಪತ್ರ.

• Dialysis Technician: B.Sc ಜೊತೆಗೆ Haemodialysisನಲ್ಲಿ ಡಿಪ್ಲೊಮಾ ಅಥವಾ ನಿಗದಿತ ಇನ್-ಹೌಸ್ ತರಬೇತಿ.

• Health & Malaria Inspector Gr. II: Chemistry ವಿಷಯದೊಂದಿಗೆ B.Sc + Health/Sanitary Inspectorನಲ್ಲಿ ಡಿಪ್ಲೊಮಾ ಅಥವಾ NTC.

• Audiologist & Speech Therapist: BASLP ಪದವಿ + RCI ನೋಂದಣಿ.

• Pharmacist: B.Pharmacy ಪದವಿ.

• Radiographer/X-Ray Technician: 10+2ರಲ್ಲಿ Physics, Chemistry ಜೊತೆಗೆ Radiography/X-Ray Technician/Radiodiagnosis Technologyನಲ್ಲಿ ಡಿಪ್ಲೊಮಾ.

• ECG Technician: 10+2/Scienceನಲ್ಲಿ ವಿದ್ಯಾರ್ಹತೆಯೊಂದಿಗೆ ECG/ಕಾರ್ಡಿಯಾಲಜಿ ಸಂಬಂಧಿತ ಸರ್ಟಿಫಿಕೇಟ್, ಡಿಪ್ಲೊಮಾ ಅಥವಾ ಪದವಿ.

• Optometrist: B.Sc Optometry ಅಥವಾ Ophthalmic Technicianನಲ್ಲಿ ಡಿಪ್ಲೊಮಾ.

• Lab Assistant Gr. II: 10+2 Science + Medical Laboratory Technology (DMLT)ನಲ್ಲಿ ಡಿಪ್ಲೊಮಾ.

ಮುಖ್ಯವಾಗಿ: ಅಭ್ಯರ್ಥಿಗಳು ತಮ್ಮ ಶೈಕ್ಷಣಿಕ ಅರ್ಹತೆಯನ್ನು ಅಕ್ಟೋಬರ್ 14, 2026ರೊಳಗೆ ಪೂರ್ಣಗೊಳಿಸಿರಬೇಕು. ಫಲಿತಾಂಶಕ್ಕಾಗಿ ಕಾಯುತ್ತಿರುವ ಅಭ್ಯರ್ಥಿಗಳು ಈ ನೇಮಕಾತಿಗೆ ಅರ್ಹರಾಗಿರುವುದಿಲ್ಲ.

ಆಯ್ಕೆ ಪ್ರಕ್ರಿಯೆ

ಅಭ್ಯರ್ಥಿಗಳ ಆಯ್ಕೆ ಮೂರು ಹಂತಗಳಲ್ಲಿ ನಡೆಯಲಿದೆ:

1. Computer Based Test (CBT)

2. Document Verification (DV)

3. Medical Examination

CBT ಪರೀಕ್ಷೆಯಲ್ಲಿ ಪ್ರತಿ ತಪ್ಪು ಉತ್ತರಕ್ಕೆ 1/3 ಅಂಕದ ನೆಗೆಟಿವ್ ಮಾರ್ಕಿಂಗ್ ಇರುತ್ತದೆ. ಪರೀಕ್ಷೆಯನ್ನು ಹಲವು ಶಿಫ್ಟ್‌ಗಳಲ್ಲಿ ನಡೆಸಿದರೆ ಅಂಕಗಳ ಸಾಮಾನ್ಯೀಕರಣ (Normalization) ಮಾಡಲಾಗುತ್ತದೆ.

ಡಾಕ್ಯುಮೆಂಟ್ ವೆರಿಫಿಕೇಶನ್‌ಗಾಗಿ ಖಾಲಿ ಹುದ್ದೆಗಳ ಸಂಖ್ಯೆಗೆ 1:1 ಅನುಪಾತದಲ್ಲಿ ಅಭ್ಯರ್ಥಿಗಳನ್ನು ಶಾರ್ಟ್‌ಲಿಸ್ಟ್ ಮಾಡಲಾಗುತ್ತದೆ.

ಅರ್ಜಿ ಸಲ್ಲಿಸುವುದು ಹೇಗೆ?

1. ಅಧಿಕೃತ RRB ಅರ್ಜಿ ವೆಬ್‌ಸೈಟ್ ತೆರೆಯಿರಿ.

2. Create an Account ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ನೋಂದಣಿ ಪೂರ್ಣಗೊಳಿಸಿ.

3. ಹಿಂದಿನ RRB CENಗಳಿಗೆ ಖಾತೆ ಹೊಂದಿದ್ದರೆ ಅದೇ ಖಾತೆಯನ್ನು ಬಳಸಬಹುದು.

4. ಒಂದು RRB ಅನ್ನು ಮಾತ್ರ ಆಯ್ಕೆ ಮಾಡಬೇಕು.

5. ಲಭ್ಯವಿರುವ ಹುದ್ದೆಗಳು ಮತ್ತು ವಲಯಗಳಿಗೆ ಆದ್ಯತೆಯ ಕ್ರಮ ನೀಡಬೇಕು.

6. ಲೈವ್ ಫೋಟೋ, ಸಹಿ, ಅಗತ್ಯ ಪ್ರಮಾಣಪತ್ರಗಳು ಹಾಗೂ ಇತರ ದಾಖಲೆಗಳನ್ನು ಅಪ್‌ಲೋಡ್ ಮಾಡಬೇಕು.

7. ಅರ್ಜಿ ಶುಲ್ಕ ಪಾವತಿಸಬೇಕು.

8. ಅರ್ಜಿ ಸಲ್ಲಿಸಿ, ಅದರ ಪ್ರತಿಯನ್ನು ಭವಿಷ್ಯದ ಬಳಕೆಗಾಗಿ ಸುರಕ್ಷಿತವಾಗಿ ಇಟ್ಟುಕೊಳ್ಳಬೇಕು.