ಬೆಂಗಳೂರು: ರಾಜ್ಯದ ಸರ್ಕಾರಿ ಪದವಿ ಪೂರ್ವ (PU) ಕಾಲೇಜುಗಳಲ್ಲಿ ಖಾಲಿ ಇರುವ ವಿವಿಧ ವಿಷಯಗಳ ಒಟ್ಟು 814 ಉಪನ್ಯಾಸಕರ ಹುದ್ದೆಗಳನ್ನು ನೇರ ನೇಮಕಾತಿ ಮೂಲಕ ಭರ್ತಿ ಮಾಡಲು ಕರ್ನಾಟಕ ಸರ್ಕಾರ ಅಧಿಕೃತ ಆದೇಶ ಹೊರಡಿಸಿದೆ. ಈ ಸ್ಪರ್ಧಾತ್ಮಕ ಪರೀಕ್ಷೆ ಹಾಗೂ ಆಯ್ಕೆ ಪ್ರಕ್ರಿಯೆಯನ್ನು ನಡೆಸಲು ‘ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ’ಕ್ಕೆ (KEA) ಜವಾಬ್ದಾರಿ ನೀಡಲಾಗಿದೆ.
ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯು (ಪದವಿ ಪೂರ್ವ ಶಿಕ್ಷಣ) ಹೊರಡಿಸಿರುವ ಈ ಅಧಿಸೂಚನೆಯಲ್ಲಿ, ಕಲ್ಯಾಣ ಕರ್ನಾಟಕ (KK) ಭಾಗದ 36 ಹುದ್ದೆಗಳು ಹಾಗೂ ಉಳಿಕೆ ಮೂಲ ವೃಂದದ (NKK) 778 ಹುದ್ದೆಗಳು ಸೇರಿದಂತೆ ಒಟ್ಟು 814 ಉಪನ್ಯಾಸಕರ ಹುದ್ದೆಗಳ ಮರು ವರ್ಗೀಕರಣದ ವಿವರಗಳನ್ನು ಪ್ರಕಟಿಸಲಾಗಿದೆ.
ವಿಷಯವಾರು ಖಾಲಿ ಹುದ್ದೆಗಳ ವಿವರ:
| ಕ್ರ.ಸಂ. | ವಿಷಯ (Subject) | ಉಳಿಕೆ ಮೂಲ ವೃಂದ (NKK) | ಕಲ್ಯಾಣ ಕರ್ನಾಟಕ (KK) | ಒಟ್ಟು ಹುದ್ದೆಗಳು |
| 1 | ಕನ್ನಡ (Kannada) | 84 | 5 | 89 |
| 2 | ಇಂಗ್ಲಿಷ್ (English) | 140 | 5 | 145 |
| 3 | ಇತಿಹಾಸ (History) | 45 | 5 | 50 |
| 4 | ಅರ್ಥಶಾಸ್ತ್ರ (Economics) | 85 | 5 | 90 |
| 5 | ರಾಜ್ಯಶಾಸ್ತ್ರ (Political Science) | 20 | 5 | 25 |
| 6 | ಸಮಾಜಶಾಸ್ತ್ರ (Sociology) | 20 | 5 | 25 |
| 7 | ಭೂಗೋಳಶಾಸ್ತ್ರ (Geography) | 10 | 0 | 10 |
| 8 | ವಾಣಿಜ್ಯಶಾಸ್ತ್ರ (Commerce) | 146 | 4 | 150 |
| 9 | ಭೌತಶಾಸ್ತ್ರ (Physics) | 30 | 0 | 30 |
| 10 | ರಸಾಯನಶಾಸ್ತ್ರ (Chemistry) | 30 | 0 | 30 |
| 11 | ಗಣಿತ (Mathematics) | 30 | 0 | 30 |
| 12 | ಜೀವಶಾಸ್ತ್ರ (Biology) | 30 | 0 | 30 |
| 13 | ಕಂಪ್ಯೂಟರ್ ಸೈನ್ಸ್ (Comp. Science) | 108 | 2 | 110 |
| ಒಟ್ಟು (Total) | 778 | 36 | 814 |
9 ಮತ್ತು 10 ನೇ ತರಗತಿಗಳಿಗೆ ಬೋಧನೆಗೂ ಅವಕಾಶ:
ಈ ನೇಮಕಾತಿಯಲ್ಲಿ ಮತ್ತೊಂದು ಪ್ರಮುಖ ತಿದ್ದುಪಡಿ ತರಲಾಗಿದ್ದು, 9 ಮತ್ತು 10 ನೇ ತರಗತಿಗಳ ವಿದ್ಯಾರ್ಥಿಗಳಿಗೂ ಪದವಿ ಪೂರ್ವ ಉಪನ್ಯಾಸಕರಿಂದ ಬೋಧನಾ ಕ್ರಮ ಕೈಗೊಳ್ಳಲು ಅನುಕೂಲವಾಗುವಂತೆ ನೇಮಕಾತಿ ನಿಯಮಗಳಿಗೆ ತಿದ್ದುಪಡಿ ತಂದು ಅಧಿಸೂಚನೆ ಹೊರಡಿಸಲಾಗಿದೆ.
ಉಪನ್ಯಾಸಕರ ಹುದ್ದೆಗಳ ನೇಮಕಾತಿ ಪರೀಕ್ಷೆಯನ್ನು ನಡೆಸಲು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಕ್ಕೆ (KEA) ಅಧಿಕಾರ ನೀಡಲಾಗಿದ್ದು, ಶೀಘ್ರದಲ್ಲೇ ಕೆಇಎ ವತಿಯಿಂದ ನೇಮಕಾತಿ ಪ್ರಕಟಣೆ ಮತ್ತು ಅರ್ಜಿ ಸಲ್ಲಿಕೆ ಕುರಿತು ಅಧಿಕೃತ ಅಧಿಸೂಚನೆ ಹೊರಬೀಳಲಿದೆ.
ವರದಿ: ವಸಂತ ಬಿ ಈಶ್ವರಗೆರೆ, ಸಂಪಾದಕರು..
