ಭಾರತದ ಪ್ರಧಾನಿ ನರೇಂದ್ರ ಮೋದಿ ಮತ್ತು ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ನಡುವಿನ ರಾಜತಾಂತ್ರಿಕ ಬಾಂಧವ್ಯ ಕೇವಲ ಮಾತುಕತೆಗಷ್ಟೇ ಸೀಮಿತವಾಗಿಲ್ಲ, ಅದು ಇಂಟರ್ನೆಟ್‌ನ ಅತ್ಯಂತ ದೊಡ್ಡ ಟ್ರೆಂಡ್ ಕೂಡ ಹೌದು ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ ರೋಮ್‌ನಲ್ಲಿ ನಡೆದ ಉಭಯ ನಾಯಕರ ಭೇಟಿಯ ವೇಳೆ ನಡೆದ ಒಂದು ಅತ್ಯಂತ ಸರಳ ಹಾಗೂ ಕ್ಯೂಟ್ ಪ್ರಸಂಗ ಈಗ ಜಾಗತಿಕ ಮಟ್ಟದಲ್ಲಿ ಭಾರಿ ಸದ್ದು ಮಾಡುತ್ತಿದೆ.
ತಮ್ಮ ಐದು ದೇಶಗಳ ಪ್ರವಾಸದ ಅಂತಿಮ ಹಂತವಾಗಿ ಇಟಲಿ ತಲುಪಿರುವ ಪ್ರಧಾನಿ ಮೋದಿ, ಜಾರ್ಜಿಯಾ ಮೆಲೋನಿ ಅವರಿಗೆ ಭಾರತದ ಜನಪ್ರಿಯ ‘ಮೆಲೋಡಿ ಚಾಕೊಲೇಟ್’ (Melody Toffees) ಪ್ಯಾಕೆಟ್ ಒಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ ಹಂಚಿಕೊಂಡ ಕೆಲವೇ ಗಂಟೆಗಳಲ್ಲಿ 120 ಮಿಲಿಯನ್‌ಗಿಂತಲೂ (12 ಕೋಟಿ) ಹೆಚ್ಚು ವೀಕ್ಷಣೆ ಪಡೆದಿರುವ ಈ ವೈರಲ್ ವಿಡಿಯೋದ ಕಂಪ್ಲೀಟ್ ಸ್ಟೋರಿ ಇಲ್ಲಿದೆ
https://www.instagram.com/reel/DYjNN2KsWkx/?utm_source=ig_web_copy_link&igsh=NTc4MTIwNjQ2YQ==
‘ಥ್ಯಾಂಕ್ ಯೂ ಫಾರ್ ದಿ ಗಿಫ್ಟ್’: ಇನ್‌ಸ್ಟಾಗ್ರಾಮ್‌ನಲ್ಲಿ ಮೆಲೋನಿ ಪೋಸ್ಟ್
ಈ ಅಪರೂಪದ ಕ್ಷಣದ ಪುಟ್ಟ ವಿಡಿಯೋ ಕ್ಲಿಪ್ ಅನ್ನು ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಅದಕ್ಕೆ “ಉಡುಗೊರೆಗೆ ಧನ್ಯವಾದಗಳು” (Thank you for the gift) ಎಂದು ಬರೆದುಕೊಂಡಿದ್ದಾರೆ. ವಿಡಿಯೋದಲ್ಲಿ ಇಬ್ಬರೂ ನಾಯಕರು ಅತ್ಯಂತ ಹಸನ್ಮುಖಿಯಾಗಿ, ಕ್ಯಾಶುವಲ್ ಆಗಿ ಮಾತನಾಡುತ್ತಾ ಚಾಕೊಲೇಟ್ ವಿನಿಮಯ ಮಾಡಿಕೊಳ್ಳುವ ದೃಶ್ಯ ನೆಟ್ಟಿಗರ ಮನ ಗೆದ್ದಿದೆ.
ವಿಶ್ವದ ಇಬ್ಬರು ಪ್ರಭಾವಿ ನಾಯಕರು ಹೈ-ಲೆವೆಲ್ ಮೀಟಿಂಗ್ ಮಧ್ಯೆ ಇಷ್ಟೊಂದು ಸರಳವಾಗಿ ಭಾರತೀಯ ಮೂಲದ ಸಿಹಿಯನ್ನು ಹಂಚಿಕೊಂಡಿರುವುದು ಇಡೀ ಸೋಶಿಯಲ್ ಮೀಡಿಯಾವನ್ನು ಆಕರ್ಷಿಸಿದೆ. ಎಕ್ಸ್ (ಟ್ವಿಟರ್), ಇನ್‌ಸ್ಟಾಗ್ರಾಮ್ ಮತ್ತು ಫೇಸ್‌ಬುಕ್‌ಗಳಲ್ಲಿ ಈ ವಿಡಿಯೋ ಸದ್ಯ ಟಾಪ್ ಟ್ರೆಂಡಿಂಗ್‌ನಲ್ಲಿದೆ.
ಮತ್ತೆ ಲೈಮ್‌ಲೈಟ್‌ಗೆ ಬಂದ ‘Melodi’ ಜುಗಲ್‌ಬಂದಿ ಟ್ರೆಂಡ್
ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಇಂಟರ್ನೆಟ್‌ನಲ್ಲಿ ಹಳೆಯ ‘Melodi’ (ಮೆಲೋನಿ + ಮೋದಿ) ಹ್ಯಾಶ್‌ಟ್ಯಾಗ್ ಟ್ರೆಂಡ್ ಮತ್ತೊಮ್ಮೆ ಮುಂಚೂಣಿಗೆ ಬಂದಿದೆ. ನೆಟ್ಟಿಗರು ಈ ಕ್ಷಣವನ್ನು ಇಟ್ಟುಕೊಂಡು ತರಹೇವಾರಿ ಮೀಮ್ಸ್, ಎಡಿಟ್‌ಗಳು ಮತ್ತು ತಮಾಷೆಯ ಪೋಸ್ಟ್‌ಗಳನ್ನು ಕ್ರಿಯೇಟ್ ಮಾಡುತ್ತಿದ್ದಾರೆ. ರಾಜಕೀಯದ ಗಂಭೀರತೆಯ ನಡುವೆ ಪಾಪ್ ಕಲ್ಚರ್ ಮಿಕ್ಸ್ ಆಗಿ ಇಂಟರ್ನ್ಯಾಷನಲ್ ಡಿಪ್ಲೊಮಸಿ ಈಗ ಯುವ ಪೀಳಿಗೆಗೆ ಇಷ್ಟವಾಗುವಂತೆ ಬದಲಾಗಿದೆ.
ನಿಮಗೆ ನೆನಪಿರಬಹುದು, 2023 ರಲ್ಲಿ ನಡೆದ COP28 ಶೃಂಗಸಭೆಯ ಸಂದರ್ಭದಲ್ಲಿ ಮೆಲೋನಿ ಅವರು ಪ್ರಧಾನಿ ಮೋದಿ ಜೊತೆ ಸೆಲ್ಫಿ ತೆಗೆದುಕೊಂಡು ಮೊದಲ ಬಾರಿಗೆ ‘Melodi’ ಎಂದು ಬರೆದುಕೊಂಡಿದ್ದರು. ಅಂದಿನಿಂದ ಇವರಿಬ್ಬರು ಜಾಗತಿಕ ವೇದಿಕೆಯಲ್ಲಿ ಭೇಟಿಯಾದಾಗಲೆಲ್ಲಾ ಡಿಜಿಟಲ್ ಲೋಕದಲ್ಲಿ ಬಿರುಗಾಳಿ ಏಳುವುದು ಕಾಮನ್ ಆಗಿದೆ.
ಭಾರತ ಮತ್ತು ಇಟಲಿ ನಡುವೆ ದ್ವಿಪಕ್ಷೀಯ ವ್ಯಾಪಾರ ಮತ್ತು ಆರ್ಥಿಕ ಕಾರಿಡಾರ್‌ಗಳ ಬಗ್ಗೆ ಗಂಭೀರ ಚರ್ಚೆ ನಡೆದಿದ್ದರೂ, ಸಾರ್ವಜನಿಕರ ಮನಸ್ಸಿನಲ್ಲಿ ಮಾತ್ರ ಈ ‘ಮೆಲೋಡಿ ಟಾಫಿ’ ವಿನಿಮಯವೇ ಈ ಪ್ರವಾಸದ ಅತ್ಯಂತ ನೆನಪಿನ ಆ ಕ್ಷಣವಾಗಿ ಉಳಿದುಕೊಂಡಿದೆ
