ಇಂದು ಚಿನ್ನದ ಬೆಲೆಯಲ್ಲಿ ಮತ್ತೆ ಏರಿಕೆ :ಇಂದಿನ ಲೇಟೆಸ್ಟ್ ರೇಟ್ ವಿವರ ಇಲ್ಲಿದೆ

ಬಂಗಾರ ಖರೀದಿಸಲು ಪ್ಲಾನ್ ಮಾಡುತ್ತಿದ್ದ ಗ್ರಾಹಕರಿಗೆ ವಾರದ ಮೊದಲ ದಿನವೇ ಬೆಲೆ ಏರಿಕೆಯ ಬಿಗ್ ಶಾಕ್ ತಟ್ಟಿದೆ ಜಾಗತಿಕ ಮಾರುಕಟ್ಟೆಯಲ್ಲಿನ ದಿಢೀರ್ ಬದಲಾವಣೆ ಹಾಗೂ ಮಧ್ಯಪ್ರಾಚ್ಯದಲ್ಲಿ ಎದ್ದಿರುವ ಯುದ್ಧದ ಕಾರ್ಮೋಡದಿಂದಾಗಿ ಆಭರಣ ಪ್ರಿಯರ ನೆಚ್ಚಿನ ಲೋಹವಾದ ಚಿನ್ನದ ಬೆಲೆ ದೇಶಾದ್ಯಂತ ಮತ್ತೆ ರಾಕೆಟ್ ವೇಗದಲ್ಲಿ ಜಿಗಿತ ಕಂಡಿದೆ.

ಕಳೆದ ಕೆಲವು ದಿನಗಳ ಹಿಂದಷ್ಟೇ ಯುಎಸ್ ಫೆಡ್ ಬಡ್ಡಿದರ ಹೆಚ್ಚಳದ ಮುನ್ಸೂಚನೆಯಿಂದಾಗಿ ಚಿನ್ನದ ಬೆಲೆಯಲ್ಲಿ ಭಾರಿ ಕುಸಿತ ಕಂಡುಬಂದಿತ್ತು. ಕೇವಲ 4 ದಿನಗಳಲ್ಲಿ ಬರೋಬ್ಬರಿ ₹5,000 ದಷ್ಟು ಬೆಲೆ ಇಳಿಕೆಯಾಗಿ ಗ್ರಾಹಕರು ಖುಷಿಯಾಗಿದ್ದರು. ಆದರೆ ಇಂದು (ಸೋಮವಾರ, ಜೂನ್ 22) ಮಾರ್ಕೆಟ್ ಕಂಪ್ಲೀಟ್ ಉಲ್ಟಾ ಹೊಡೆದಿದ್ದು, ಪ್ರತಿ 10 ಗ್ರಾಂಗೆ ₹430 ರವರೆಗೆ ಏರಿಕೆ ದಾಖಲಾಗಿದೆ

ಚಿನ್ನದ ಬೆಲೆ ದಿಢೀರ್ ಏರಲು ಕಾರಣವೇನು?

ಕಚ್ಚಾ ತೈಲ ಮತ್ತು ಡಾಲರ್ ಲೆಕ್ಕಾಚಾರ: ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಿಕ್ಕಟ್ಟು ತೀವ್ರವಾಗುತ್ತಿದ್ದಂತೆ ಕಚ್ಚಾ ತೈಲದ (Crude Oil) ಬೆಲೆ ಶೇ. 2 ರಷ್ಟು ಇಳಿಕೆಯಾಗಿ ಬ್ಯಾರೆಲ್‌ಗೆ 78 ಡಾಲರ್ ಮಟ್ಟಕ್ಕೆ ತಲುಪಿದೆ. ತೈಲ ಬೆಲೆ ಇಳಿಕೆಯಾದಾಗ ಹೂಡಿಕೆದಾರರು ಬಂಗಾರ ಖರೀದಿಗೆ ಮುಗಿಬೀಳುವುದು ಸಾಮಾನ್ಯ. ಸದ್ಯ ಜಾಗತಿಕ ಮಾರುಕಟ್ಟೆಯಲ್ಲಿ ಸ್ಪಾಟ್ ಗೋಲ್ಡ್ ದರ ಔನ್ಸ್‌ಗೆ 30 ಡಾಲರ್ ಏರಿಕೆಯಾಗಿ 4,195 ಡಾಲರ್ ತಲುಪಿದೆ. ಇತ್ತ ಅಮೆರಿಕನ್ ಡಾಲರ್ ಎದುರು ಭಾರತೀಯ ರೂಪಾಯಿ ಮೌಲ್ಯ ₹94.48 ಆಗಿದೆ.

22 ಕ್ಯಾರೆಟ್ ಆಭರಣ ಚಿನ್ನ (22k Gold Price)
ಆಭರಣ ತಯಾರಿಕೆಗೆ ಬಳಸುವ 22 ಕ್ಯಾರೆಟ್ ಚಿನ್ನದ ಬೆಲೆ ಇಂದು ಪ್ರತಿ ಗ್ರಾಂಗೆ ₹40 ರಷ್ಟು ಹೆಚ್ಚಾಗಿದೆ.

1 ಗ್ರಾಂ ದರ: ₹13,430 (₹40 ಏರಿಕೆ)

10 ಗ್ರಾಂ (ಒಂದು ತುಲ) ದರ: ₹1,34,300 (₹400 ಭಾರಿ ಏರಿಕೆ!)

24 ಕ್ಯಾರೆಟ್ ಅಪರಂಜಿ ಚಿನ್ನ (24k Gold Price)
ಹೂಡಿಕೆಗೆ ಬಳಸಲಾಗುವ 100% ಶುದ್ಧ ಚಿನ್ನದ ಬೆಲೆ ಪ್ರತಿ ಗ್ರಾಂಗೆ ₹43 ರಷ್ಟು ದುಬಾರಿಯಾಗಿದೆ. ಕಳೆದ ವಾರ ಕನಿಷ್ಠ ₹1,45,860 ಕ್ಕೆ ಇಳಿದಿದ್ದ ದರ ಇಂದು ಮತ್ತೆ ಏರಿದೆ.

1 ಗ್ರಾಂ ದರ: ₹14,651 (₹43 ಏರಿಕೆ)

10 ಗ್ರಾಂ ದರ: ₹1,46,510 (₹430 ಭಾರಿ ಏರಿಕೆ!)

ಬೆಳ್ಳಿ ಪ್ರಿಯರಿಗೆ ಕೊಂಚ ರಿಲೀಫ್: ಇಂದಿನ ಬೆಳ್ಳಿ ದರ (Silver Price)

ಬಂಗಾರದ ಬೆಲೆ ಏರಿಕೆಯಾಗಿದ್ದರೂ, ಬೆಳ್ಳಿ ಖರೀದಿಸುವವರಿಗೆ ಇಂದು ಮಾರ್ಕೆಟ್ ಶಾಕ್ ನೀಡಿಲ್ಲ. ದೇಶೀಯ ಮಾರುಕಟ್ಟೆಯಲ್ಲಿ ಬೆಳ್ಳಿ ದರ ಇಂದು ಸಂಪೂರ್ಣ ತಟಸ್ಥವಾಗಿದ್ದು, ಸ್ಥಿರತೆ ಕಾಯ್ದುಕೊಂಡಿದೆ.

1 ಕೆಜಿ ಬೆಳ್ಳಿ ದರ: ₹2.55 ಲಕ್ಷ (₹2,55,000) ದಲ್ಲಿ ಮುಂದುವರಿದಿದೆ.