ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ತಮ್ಮ ಅನನ್ಯ ಫ್ಯಾಷನ್ ಶೈಲಿಯಿಂದ ಸದಾ ಸೌಂಡ್ ಮಾಡುತ್ತಿರುತ್ತಾರೆ. ಪ್ರಸ್ತುತ ತಮ್ಮ ಮುಂಬರುವ ‘ದಾಯರಾ’ ಸಿನಿಮಾದ ಪ್ರಚಾರ ಕಾರ್ಯದಲ್ಲಿ ನಿರತರಾಗಿರುವ ಕರೀನಾ, ದೆಹಲಿಯಲ್ಲಿ ನಡೆದ ಪ್ರಮೋಷನ್ ಕಾರ್ಯಕ್ರಮದಲ್ಲಿ ಗುಲಾಬಿ ಬಣ್ಣದ (ಫ್ಯೂಷಿಯಾ ಪಿಂಕ್) ಸೀರೆಯಲ್ಲಿ ಕಂಗೊಳಿಸುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.
ಪಿಚ್ಚಿಕಾ ಬ್ರ್ಯಾಂಡ್ನ ಈ ವಿಶೇಷ ಸೀರೆಯಲ್ಲಿ ಕಿತ್ತಳೆ ಬಣ್ಣದ ಗಂಡುಮಲ್ಲಿಗೆ (ಮಾರಿಗೋಲ್ಡ್) ಹೂವುಗಳ ನೈಸರ್ಗಿಕ ಡಿಸೈನ್ ಇತ್ತು. ಇದಕ್ಕೆ ಸೂಕ್ತವಾಗಿ ಹೊಂದುವಂತೆ ದೀಪ್ ವಿ-ನೆಕ್ ಬ್ಲೌಸ್, ಕೈಯಲ್ಲಿ ದುಬಾರಿ ಕಾರ್ಟಿಯರ್ ವಾಚ್, ತಲೆಯಲ್ಲಿ ಹೂವಿನ ಮುಡಿ ಹಾಗೂ ಹಣೆಯಲ್ಲಿ ಸಣ್ಣ ಬಿಂದಿ ಇಟ್ಟು ಸಾಂಪ್ರದಾಯಿಕ ಮತ್ತು ಆಧುನಿಕ ಶೈಲಿಯ ಮಿಶ್ರಣದಲ್ಲಿ ಅವರು ಮಿಂಚಿದ್ದಾರೆ. ಪ್ರಸಿದ್ಧ ಸ್ಟೈಲಿಸ್ಟ್ ರಿಯಾ ಕಪೂರ್ ಮತ್ತು ಸಾನ್ಯಾ ಕಪೂರ್ ಈ ಲುಕ್ ವಿನ್ಯಾಸಗೊಳಿಸಿದ್ದು, ಅಭಿಮಾನಿಗಳು ಕರೀನಾ ಅವರ ಈ ಸಿಂಪಲ್ ಹಾಗೂ ಸಿdesc ಫ್ಯಾಷನ್ ಸೈಲ್ಗೆ ಫಿದಾ ಆಗಿದ್ದಾರೆ.
ಮೇಘನಾ ಗುಲ್ಜಾರ್ ನಿರ್ದೇಶನದ ‘ದಾಯರಾ’ ಸಿನಿಮಾದಲ್ಲಿ ಕರೀನಾ ಕಪೂರ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ನಟಿಸಿದ್ದು, ನಟ ಪೃಥ್ವಿರಾಜ್ ಸುಕುಮಾರನ್ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ. ಈ ಚಿತ್ರ ಸೆಪ್ಟೆಂಬರ್ 18 ರಂದು ತೆರೆಗೆ ಬರಲು ಸಿದ್ಧವಾಗಿದೆ. ಇದರ ಹೊರತಾಗಿ, ಪ್ರಸಿದ್ಧ ನಿರ್ಮಾಪಕ ಸಂಜಯ್ ಲೀಲಾ ಭನ್ಸಾಲಿ ನಿರ್ಮಾಣದ ನೂತನ ಪೌರಾಣಿಕ ಸಾಹಸ ಸಿನಿಮಾದಲ್ಲಿ ನಟ ಧನುಷ್ ಜೊತೆ ನಟಿಸಲು ಕರೀನಾ ಮಾತುಕತೆ ನಡೆಸುತ್ತಿದ್ದಾರೆ ಎಂಬ ಸುದ್ದಿಯೂ ಹರಿದಾಡುತ್ತಿದೆ.
