ಭಾರತ ತಂಡದ ಮಾಜಿ ಕ್ರಿಕೆಟಿಗ ಸಂಜಯ್ ಬಂಗಾರ್ ಅವರ ಮಗಳು ಅನಯಾ ಬಂಗಾರ್ ಇತ್ತೀಚೆಗೆ ಮುಂಬೈನಲ್ಲಿ ಭಾರತೀಯ ಕ್ರಿಕೆಟಿಗ ಸರ್ಫರಾಜ್ ಖಾನ್, ಅವರ ಸಹೋದರ ಮುಶೀರ್ ಖಾನ್ ಹಾಗೂ ಅವರ ತಂದೆ ನೌಶಾದ್ ಖಾನ್ ಅವರೊಂದಿಗೆ ಪ್ರ್ಯಾಕ್ಟೀಸ್ ನಡೆಸಿ ಗಮನ ಸೆಳೆದಿದ್ದಾರೆ.
ಮುಂಬೈನ ಪ್ರಸಿದ್ದ ಕ್ರಿಕೆಟ್ ಕುಟುಂಬದ ಜೊತೆ ನಡೆಸಿದ ಈ ಅಭ್ಯಾಸದ ವೀಡಿಯೋಗಳು ಹಾಗೂ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಕ್ರಿಕೆಟ್ ಅಭಿಮಾನಿಗಳ ಗಮನ ಸೆಳೆಯುತ್ತಿವೆ.
ಖಾನ್ ಸಹೋದರರ ಜೊತೆ ಕ್ರಿಕೆಟ್ ಅಭ್ಯಾಸ:
ಟೀಮ್ ಇಂಡಿಯಾ ಪರ ಸರಣಿಗಳಲ್ಲಿ ಮಿಂಚಿರುವ ಸರ್ಫರಾಜ್ ಖಾನ್ ಹಾಗೂ ದೇಶಿ ಕ್ರಿಕೆಟ್ ಮತ್ತು ಯೂತ್ ಟೂರ್ನಿಗಳಲ್ಲಿ ಗಮನಾರ್ಹ ಪ್ರದರ್ಶನ ನೀಡುತ್ತಿರುವ ಯುವ ಆಟಗಾರ ಮುಶೀರ್ ಖಾನ್ ಜೊತೆ ಅನಯಾ ಬಂಗಾರ್ ನೆಟ್ಸ್‌ನಲ್ಲಿ ಬ್ಯಾಟಿಂಗ್ ಅಭ್ಯಾಸ ನಡೆಸಿದರು. ಈ ವೇಳೆ ಯುವ ಕ್ರಿಕೆಟಿಗರನ್ನು ತೀಕ್ಷ್ಣವಾಗಿ ತರಬೇತುಗೊಳಿಸುವ ಪ್ರಸಿದ್ಧ ಕೋಚ್ ಹಾಗೂ ಖಾನ್ ಸಹೋದರರ ತಂದೆ ನೌಶಾದ್ ಖಾನ್ ಅವರು ಖುದ್ದಾಗಿ ಉಪಸ್ಥಿತರಿದ್ದು ಮಾರ್ಗದರ್ಶನ ನೀಡಿದರು.
ಖಾನ್ ಕುಟುಂಬದ ತರಬೇತಿ ಶೈಲಿ ಹಾಗೂ ನೆಟ್ಸ್ ವಾತಾವರಣದಲ್ಲಿ ಅನಯಾ ಬಂಗಾರ್ ಭಾಗವಹಿಸಿದ್ದು, ಕ್ರಿಕೆಟ್ ಆಸಕ್ತರ ನಡುವೆ ನಿಕಟ ಬಾಂಧವ್ಯ ಮೂಡಲು ವೇದಿಕೆಯಾಯಿತು.
