ಸಿಡ್ನಿ: ಆಸ್ಟ್ರೇಲಿಯಾದ ಮಾಜಿ ಸ್ಟಾರ್ ಕ್ರಿಕೆಟಿಗ ಡೇವಿಡ್ ವಾರ್ನರ್ ಅವರನ್ನು ಡ್ರಿಂಕ್ ಅಂಡ್ ಡ್ರೈವ್ ಕೇಸ್ ನಲ್ಲಿ ಬಂಧಿಸಲಾಗಿದೆ.
ಸಿಡ್ನಿಯ ಮರೂಬ್ರಾದಲ್ಲಿ ಪೊಲೀಸ್ ಅಧಿಕಾರಿಗಳು ಡ್ರಿಂಕ್ ಅಂಡ್ ಡ್ರೈವ್ ಪರೀಕ್ಷೆ ನಡೆಸಿದಾಗ ಡೇವಿಡ್ ವಾರ್ನರ್ ಮದ್ಯ ಸೇವನೆ ಮಾಡಿರುವುದು ದೃಢಪಟ್ಟಿದೆ. ಕೂಡಲೇ ಅವರನ್ನು ಬಂಧಿಸಿ ಪ್ರಕರಣ ದಾಖಲಿಸಿದ ಪೊಲೀಸರು ವಿಚಾರಣೆ ನಡೆಸಿ ಬಿಟ್ಟು ಕಳುಹಿಸಿದ್ದಾರೆ. ಮೇ 7ರಂದು ಅವರು ವಿಚಾರಣೆಗೆ ನ್ಯಾಯಾಲಯಕ್ಕೆ ಹಾಜರಾಬೇಕಿದೆ.
ಕಳೆದ ವಾರ ಪಾಕಿಸ್ತಾನ ಸೂಪರ್ ಲೀಗ್ ನಲ್ಲಿ ಕರಾಚಿ ಕಿಂಗ್ಸ್ ಪರ ಡೇವಿಡ್ ವಾರ್ನರ್ ಆಟವಾಡಿದ್ದರು. ಲೀಗ್ ಆರಂಭವಾದ ಬಳಿಕ ಆಟಗಾರರು ಸಾಮಾನ್ಯವಾಗಿ ಸ್ವದೇಶಕ್ಕೆ ತೆರಳುವುದಿಲ್ಲ. ಆದರೆ ವಾರ್ನರ್ ಲೀಗ್ ನಡೆಯುವಾಗಲೇ ಸ್ವದೇಶಕ್ಕೆ ಹೋಗಿದ್ದರು. ಲೀಗ್ ನಿಂದ ಹೊರ ಬರುವ ಉದ್ದೇಶದಿಂದಲೇ ಮದ್ಯ ಸೇವಿಸಿ ಕಾರ್ ಚಾಲನೆ ಮಾಡಿದ್ದಾರೆ ಎಂದು ಹೇಳಲಾಗಿದೆ.
ಸಿಡ್ನಿಯ ಮರೂಬ್ರಾದಲ್ಲಿ ಭಾನುವಾರ ತಡರಾತ್ರಿ ಉಸಿರಾಟದ ಪರೀಕ್ಷೆಯಲ್ಲಿ ವಿಫಲವಾದ ನಂತರ ಅವರು ಕಾನೂನುಬದ್ಧ ಮದ್ಯದ ಮಿತಿಗಿಂತ ಎರಡು ಪಟ್ಟು ಹೆಚ್ಚು ಮದ್ಯ ಸೇವಿಸಿರುವುದು ಕಂಡುಬಂದಿದೆ. ವಾರ್ನರ್ ಪರೀಕ್ಷಾ ಸ್ಥಳವನ್ನು ತಲುಪುವ ಮೊದಲು ತನ್ನ ವಾಹನವನ್ನು ನಿಲ್ಲಿಸಿದ್ದರು, ನಂತರ ಅಧಿಕಾರಿಗಳು ಅವರನ್ನು ಸಂಪರ್ಕಿಸಿ ಉಸಿರಾಟದ ಪರೀಕ್ಷೆಯನ್ನು ನಡೆಸಿದ್ದು ಸಕಾರಾತ್ಮಕ ಫಲಿತಾಂಶವನ್ನು ನೀಡಿದೆ ಎಂದು NSW ಪೊಲೀಸರು ತಿಳಿಸಿದ್ದಾರೆ.
