ಬೆಳಗಾವಿ : ಬೆಳಗಾವಿಯಲ್ಲಿ ಭೀಕರವಾದ ಕೊಲೆ ನಡೆದಿದ್ದು ಅನೈತಿಕ ಸಂಬಂಧ ಶಂಕೆ ಹಿನ್ನೆಲೆಯಲ್ಲಿ ಪತಿಯೇ ಪತ್ನಿಯನ್ನು ಬರ್ಬರವಾಗಿ ಕೊಲೆ ಮಾಡಿದ್ದಾನೆ. ಬೆಳಗಾವಿ ನಗರದ ಮುರುಳಿದರ ಕಾಲೋನಿಯಲ್ಲಿ ಈ ಒಂದು ಘಟನೆ ನಡೆದಿದೆ. ಕುಡುಗೋಡಿನಿಂದ ಕೊಚ್ಚಿ ಅಶ್ವಿನಿ (23) ಯನ್ನು ಪತಿ ವಿಠ್ಠಲ್ ಹೆಗಡೆ ಕೊಲೆ ಮಾಡಿದ್ದಾನೆ.
ವಿಠ್ಠಲ್ ಪೇಂಟಿಂಗ್ ಕೆಲಸ ಮಾಡಿಕೊಂಡಿದ್ದು ವಿಪರೀತ ಕುಡಿತಕ್ಕೆ ದಾಸನಾಗಿದ್ದ. ಕುಡಿದು ಬಂದು ನಿತ್ಯವೂ ವಿಠ್ಠಲ್ ಹೆಂಡತಿಗೆ ಕಿರುಕುಳ ಕೊಡುತ್ತಿದ್ದ ಈ ಕಾರಣಕ್ಕೆ ಗಂಡ ಹೆಂಡತಿ ನಡುವೆ ನಿರಂತರವಾಗಿ ಗಲಾಟೆಯಾಗುತ್ತಿತ್ತು.ಈ ವೇಳೆ ಅನಾರೋಗ್ಯದಿಂದ ಬಳಲುತ್ತಿದ್ದ ಮಾವನಿಗೆ ಊಟ ಮಾಡಿಸುತ್ತಿದ್ದಾಗಲೇ ಅಶ್ವಿನಿಯನ್ನು ಕುಡುಗೊಲಿನಿಂದ ಕೊಚ್ಚಿ ವಿಠಲ್ ಕೊಲೆ ಮಾಡಿದ್ದಾನೆ. ಆರೋಪಿಯನ್ನು APMC ಠಾಣೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
