ಬೆಂಗಳೂರು: ರಾಜ್ಯ ಸರ್ಕಾರದ ಅತ್ಯಂತ ಜನಪ್ರಿಯ ಗ್ಯಾರಂಟಿ ಯೋಜನೆಯಾದ ಗೃಹಲಕ್ಷ್ಮಿ (Gruhalakshmi Scheme) ಯೋಜನೆಯಡಿ ಮಾಸಿಕ ₹2,000 ಆರ್ಥಿಕ ನೆರವು ಪಡೆಯುತ್ತಿರುವ ಮಹಿಳೆಯರಿಗೆ ಬಿಗ್ ಅಪ್ಡೇಟ್ ಒಂದಿದೆ ಮುಖ್ಯಮಂತ್ರಿಗಳ ಹೇಳಿಕೆ ಬೆನ್ನಲ್ಲೇ ಸಾರ್ವಜನಿಕರಲ್ಲಿ ಮೂಡಿದ್ದ ಗೊಂದಲಗಳಿಗೆ ತೆರೆ ಎಳೆದಿರುವ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯು, ಯಾರೂ ಆತಂಕ ಪಡುವ ಅಗತ್ಯವಿಲ್ಲ, ಕೇವಲ ಅನರ್ಹರನ್ನು ಕೈಬಿಟ್ಟು ಅರ್ಹರಿಗೆ ಮಾತ್ರ ಹಣ ತಲುಪಿಸಲು ಈ ಮಹತ್ತರ ಪರಿಷ್ಕರಣೆ ನಡೆಸಲಾಗುತ್ತಿದೆ ಎಂದು ಸ್ಪಷ್ಟಪಡಿಸಿದೆ
ರಾಜ್ಯದಲ್ಲಿ ಸದ್ಯ 1.28 ಕೋಟಿ ಮಹಿಳೆಯರು ಯೋಜನೆಯ ಲಾಭ ಪಡೆಯುತ್ತಿದ್ದು, ಹೊಸ ಮಾರ್ಗಸೂಚಿಯ ಪ್ರಕಾರ ಎಲ್ಲರೂ ಮತ್ತೊಮ್ಮೆ ಅರ್ಜಿ ಸಲ್ಲಿಸಿ ನವೀಕರಿಸಿಕೊಳ್ಳಬೇಕಾಗುತ್ತದೆ ಹಾಗಾದರೆ ಹೊಸ ಗೈಡ್ಲೈನ್ಸ್ನಲ್ಲಿ ಏನೆಲ್ಲಾ ಬದಲಾವಣೆಗಳಿವೆ? ಅರ್ಜಿ ಎಲ್ಲಿ ಸಲ್ಲಿಸಬೇಕು? ಮಾಹಿತಿ ಇಲ್ಲಿದೆ
ಸೈಬರ್ ಸೆಂಟರ್, ಮೊಬೈಲ್ ಆಪ್ಗಳಿಗೆ ಬ್ರೇಕ್ ಈ 3 ಕಡೆ ಮಾತ್ರ ಅವಕಾಶ:
ಸರ್ವರ್ ಮತ್ತು ತಾಂತ್ರಿಕ ಸಮಸ್ಯೆಗಳನ್ನು ತಪ್ಪಿಸಲು ಹಾಗೂ ನಕಲಿ ಜಾಲಕ್ಕೆ ಬ್ರೇಕ್ ಹಾಕಲು ಇಲಾಖೆಯು ರಾಜ್ಯಾದ್ಯಂತ ಇರುವ 15,000 ಅಧಿಕೃತ ಕೇಂದ್ರಗಳಲ್ಲಿ ಮಾತ್ರ ಹೊಸ ಅರ್ಜಿ ಸಲ್ಲಿಕೆಗೆ ಅವಕಾಶ ನೀಡಿದೆ
ಅರ್ಜಿ ಸಲ್ಲಿಸಬಹುದಾದ ಅಧಿಕೃತ ಕೇಂದ್ರಗಳು:
ಬೆಂಗಳೂರು ಒನ್ / ಜಿಲ್ಲಾ ಒನ್ ಕೇಂದ್ರಗಳು
ಕರ್ನಾಟಕ ಒನ್
ಗ್ರಾಮ ಒನ್ ಕೇಂದ್ರಗಳು
ಗಮನಿಸಿ: ಯಾವುದೇ ಖಾಸಗಿ ಸೈಬರ್ ಸೆಂಟರ್ ಅಥವಾ ಮೊಬೈಲ್ ಆಪ್ಗಳ ಮೂಲಕ ಅರ್ಜಿ ಸಲ್ಲಿಸಲು ಈ ಬಾರಿ ಅವಕಾಶ ಇರುವುದಿಲ್ಲ
ಅತ್ತೆ ಅಥವಾ ತಾಯಿ ನಿಧನರಾಗಿದ್ದರೆ ಸೊಸೆ, ಮಗಳಿಗೆ ಭರ್ಜರಿ ಚಾನ್ಸ್
ಈ ಬಾರಿಯ ಹೊಸ ಮಾರ್ಗಸೂಚಿಯಲ್ಲಿ ಸರ್ಕಾರ ಒಂದು ಪ್ರಮುಖ ಮತ್ತು ಮಾನವೀಯ ಬದಲಾವಣೆಯನ್ನು ತಂದಿದೆ
ವಾರಸುದಾರರಿಗೆ ಲಭ್ಯ: ಈ ಹಿಂದೆ ಗೃಹಲಕ್ಷ್ಮಿ ಹಣ ಪಡೆಯುತ್ತಿದ್ದ ಅತ್ತೆ ಅಥವಾ ತಾಯಿ ಒಂದು ವೇಳೆ ನಿಧನರಾಗಿದ್ದರೆ, ಅವರ ಮುಂದಿನ ವಾರಸುದಾರರಾದ ಸೊಸೆ ಅಥವಾ ಮಗಳು (ಇಬ್ಬರಲ್ಲಿ ಒಬ್ಬರು ಮಾತ್ರ) ಈ ಯೋಜನೆಯ ಲಾಭವನ್ನು ಮುಂದುವರಿಸಬಹುದು
ಕಡ್ಡಾಯ ನಿಯಮ: ಆದರೆ, ಅರ್ಜಿ ಸಲ್ಲಿಸುವ ಸೊಸೆ ಅಥವಾ ಮಗಳ ಹೆಸರು ಕಡ್ಡಾಯವಾಗಿ ಅದೇ ಪಡಿತರ ಚೀಟಿಯಲ್ಲಿ (Ration Card) ಉಲ್ಲೇಖವಾಗಿರಲೇಬೇಕು
ಯಾರೆಲ್ಲಾ ಹೊಸದಾಗಿ ಅರ್ಜಿ ಸಲ್ಲಿಸಲು ಅರ್ಹರಲ್ಲ?
ಆದಾಯ ತೆರಿಗೆ ಪಾವತಿದಾರರು: ಐಟಿ (Income Tax) ಪಾವತಿಸುವ ಮಹಿಳೆಯರು ಅಥವಾ ಅವರ ಪತಿ ಈ ಯೋಜನೆಗೆ ಅರ್ಹರಲ್ಲ
ಕಾರ್ಡ್ ವರ್ಗಾವಣೆ ಆದವರು: ಆದಾಯ ತೆರಿಗೆ ಕಾರಣದಿಂದಲೇ ಬಿಪಿಎಲ್ (BPL) ಕಾರ್ಡ್ನಿಂದ ಎಪಿಎಲ್ (APL) ಕಾರ್ಡ್ಗೆ ವರ್ಗಾವಣೆಯಾದ ಕಾರ್ಡ್ದಾರರು ಹೊಸದಾಗಿ ಅರ್ಜಿ ಸಲ್ಲಿಸಿದರೂ ಅವರ ಅಪ್ಲಿಕೇಶನ್ ರಿಜೆಕ್ಟ್ ಆಗಲಿದೆ
ಮತ್ತೆ ಅರ್ಜಿ ಕರೆಯುತ್ತಿರುವುದು ಏತಕ್ಕೆ? (The Inside Scam)
ಯೋಜನೆ ಆರಂಭವಾದಾಗಿನಿಂದ ಇದುವರೆಗೆ ಸರ್ಕಾರ ಬರೋಬ್ಬರಿ ₹72 ಸಾವಿರ ಕೋಟಿಗೂ ಅಧಿಕ ಹಣವನ್ನು ಫಲಾನುಭವಿಗಳಿಗೆ ನೀಡಿದೆ ಆದರೆ ಇಲಾಖೆ ನಡೆಸಿದ ಆಂತರಿಕ ಸಮೀಕ್ಷೆಯಲ್ಲಿ ಆಘಾತಕಾರಿ ಸತ್ಯಗಳು ಹೊರಬಂದಿವೆ
50 ಸಾವಿರಕ್ಕೂ ಹೆಚ್ಚು ಆದಾಯ ತೆರಿಗೆ ಪಾವತಿದಾರರು ಅನರ್ಹವಾಗಿದ್ದರೂ ಹಣ ಪಡೆಯುತ್ತಿದ್ದರು
1 ಲಕ್ಷಕ್ಕೂ ಹೆಚ್ಚು ಮರಣ ಹೊಂದಿದ ಮಹಿಳೆಯರ ಹೆಸರಿನಲ್ಲಿ ಇಂದಿಗೂ ಹಣ ಡ್ರಾ ಆಗುತ್ತಿರುವುದು ಪತ್ತೆಯಾಗಿದೆ ಇಂತಹ ಅನರ್ಹರನ್ನು ಪಟ್ಟಿಯಿಂದ ಸಂಪೂರ್ಣವಾಗಿ ಕೈಬಿಡಲು ಈ ನವೀಕರಣ ಪ್ರಕ್ರಿಯೆ ನಡೆಯುತ್ತಿದೆ
ಹಂತ-ಹಂತವಾಗಿ ಬರಲಿದೆ ಮೊಬೈಲ್ ಸಂದೇಶ
ಏಕಕಾಲಕ್ಕೆ ರಾಜ್ಯದ ಎಲ್ಲಾ ಮಹಿಳೆಯರು ಮುನ್ನುಗ್ಗಿದರೆ ಸರ್ವರ್ ಕ್ರ್ಯಾಶ್ ಆಗುವ ಸಾಧ್ಯತೆ ಇರುವುದರಿಂದ, ಇಲಾಖೆಯು ಹಂತ-ಹಂತವಾಗಿ ಅರ್ಜಿ ಸ್ವೀಕರಿಸಲು ಪ್ಲಾನ್ ಮಾಡಿದೆ ಯೋಜನೆ ನವೀಕರಿಸಿಕೊಳ್ಳುವ ಕುರಿತು ಅರ್ಹ ಫಲಾನುಭವಿಗಳ ರಿಜಿಸ್ಟರ್ಡ್ ಮೊಬೈಲ್ ಸಂಖ್ಯೆಗೆ ನೇರವಾಗಿ ಇಲಾಖೆಯಿಂದಲೇ ಎಸ್ಎಂಎಸ್ (SMS) ಸಂದೇಶ ಕಳುಹಿಸುವ ಚಿಂತನೆ ನಡೆದಿದೆ
ಹೊಸ ಅರ್ಜಿ ಸಲ್ಲಿಕೆಗೆ ಬೇಕಾಗುವ ಕಡ್ಡಾಯ ದಾಖಲೆಗಳು:
ಮನೆ ಯಜಮಾನಿಯ ಹೆಸರು ಮತ್ತು ಆಧಾರ್ ಸಂಖ್ಯೆ .
ಮನೆ ಯಜಮಾನಿಯ ಬ್ಯಾಂಕ್ ಖಾತೆ ವಿವರಗಳು (ಪಾಸ್ಬುಕ್ ಕಾಪಿ)
ಫಲಾನುಭವಿಯ ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ
ಫಲಾನುಭವಿಯ ಪತಿಯ ಹೆಸರು ಮತ್ತು ಅವರ ಆಧಾರ್ ಸಂಖ್ಯೆ
ಎಪಿಎಲ್ (APL) ಅಥವಾ ಬಿಪಿಎಲ್ (BPL) ಪಡಿತರ ಚೀಟಿ
ಪ್ರಸ್ತುತ ಹಣ ಬಿಡುಗಡೆಯ ಸ್ಟೇಟಸ್ ಏನಿದೆ?
ಮಾರ್ಚ್ ತಿಂಗಳ ಕಂತಿನ ಹಣ ಈಗಾಗಲೇ ಮಹಿಳೆಯರ ಖಾತೆಗೆ ಜಮೆಯಾಗಿದೆ ಸದ್ಯ ಮೇ ತಿಂಗಳ ಹಣ ಬಿಡುಗಡೆಗೆ ಆರ್ಥಿಕ ಇಲಾಖೆಗೆ ಪ್ರಸ್ತಾವನೆ ಸಲ್ಲಿಸಲಾಗಿದ್ದು, ಖಾತೆಗಳಿಗೆ ಹಣ ಜಮೆಯಾದ ತಕ್ಷಣವೇ ಈ ಹೊಸ ನವೀಕರಣ ಮತ್ತು ಹೊಸ ಅರ್ಜಿ ಸಲ್ಲಿಕೆ ಪ್ರಕ್ರಿಯೆಗೆ ಅಧಿಕೃತವಾಗಿ ಚಾಲನೆ ಸಿಗಲಿದೆ
