ಗುವಾಹಟಿ: ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿಯೂ ಭಾರತ ಭರ್ಜರಿ ಜಯಗಳಿಸಿದೆ. ಗುವಾಹಟಿಯ ಬರ್ಸಾಪಾರಾ ಕ್ರಿಕೆಟ್ ಸ್ಟೇಡಿಯಂ ನಲ್ಲಿ ನಡೆದಿರುವ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತ 8 ವಿಕೆಟ್ ಗಳ ಭರ್ಜರಿ ಜಯ ಗಳಿಸಿದೆ. ಬರೋಬ್ಬರಿ 405 ರನ್ ಚೇಸ್ ಮಾಡಿ ಭಾರತ ಜಯಗಳಿಸಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ತಂಡ ಜಾನ್ ಕ್ಯಾಂಪ್ಬೆಲ್ 101, ಶಾಯ್ ಹೋಪ್ 104, ಅಮೀರ್ ಜಾಂಗೂ 114 ಅವರ ಶತಕಗಳ ನೆರವಿನಿಂದ 50 ಓವರ್ ಗಳಲ್ಲಿ 405 ರನ್ ಗಳಿಸುವ ಮೂಲಕ ಬೃಹತ್ ಮೊತ್ತ ಕಲೆ ಹಾಕಿತು.
ಟಾಸ್ ಗೆದ್ದು ಭಾರತ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದು, ವೆಸ್ಟ್ ಇಂಡೀಸ್ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿತು. ವೆಸ್ಟ್ ಇಂಡೀಸ್ 50 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 405 ರನ್ ಗಳಿಸಿದೆ. ಭಾರತಕ್ಕೆ ಗೆಲುವಿಗೆ 406 ರನ್ಗಳ ಬೃಹತ್ ಗುರಿ ನೀಡಲಾಯಿತು.
ಜಾನ್ ಕ್ಯಾಂಪ್ಬೆಲ್ – 101 ರನ್, ಶಾಯ್ ಹೋಪ್ – 104 ರನ್, ಅಮೀರ್ ಜಾಂಗೂ – 114 ರನ್ ಗಳಿಸಿದರು. ವೆಸ್ಟ್ ಇಂಡೀಸ್ ಪರ ಒಂದೇ ಇನಿಂಗ್ಸ್ನಲ್ಲಿ ಮೂರು ಬ್ಯಾಟರ್ಗಳು ಶತಕ ಗಳಿಸಿರುವುದು ವಿಶೇಷ. ವೆಸ್ಟ್ ಇಂಡೀಸ್ನ 405/7 ಏಕದಿನ ಕ್ರಿಕೆಟ್ನಲ್ಲಿ ಅದರ ಗರಿಷ್ಠ ತಂಡದ ಮೊತ್ತವಾಗಿದೆ. ಹಿಂದಿನ ಗರಿಷ್ಠ 389 ರನ್ ಆಗಿತ್ತು.
ಭಾರತದ ಪರ ಕುಲದೀಪ್ ಯಾದವ್ 2/65 ಮತ್ತು ರವೀಂದ್ರ ಜಡೇಜಾ 2/75 ಪಡೆದರು. ಕುಲದೀಪ್ ಈ ಪಂದ್ಯದಲ್ಲಿ 200 ಏಕದಿನ ವಿಕೆಟ್ ಗಳ ಮೈಲಿಗಲ್ಲು ತಲುಪಿದರು.
ಭಾರತದ 405 ರನ್ಗಳ ಚೇಸ್ ಸಂಪೂರ್ಣವಾಗಿ ಆರಂಭಿಕ ಜೋಡಿ ರೋಹಿತ್ ಶರ್ಮಾ–ಶುಭಮನ್ ಗಿಲ್ ಅವರ ಅಬ್ಬರದ ಮೇಲೆ ನಿಂತಿತ್ತು. ಇದು ಭಾರತದ ಅತ್ಯಂತ ದೊಡ್ಡ ಏಕದಿನ ಚೇಸ್ಗಳಲ್ಲಿ ಒಂದಾಗಿದೆ.
406 ರನ್ ಗುರಿ ಪಡೆದ ಭಾರತಕ್ಕೆ ಆರಂಭದಲ್ಲೇ ರೋಹಿತ್ ಶರ್ಮಾ ಮತ್ತು ಶುಭಮನ್ ಗಿಲ್ ಬಿರುಸಿನ ಆರಂಭ ನೀಡಿದರು. ಮೊದಲ 10 ಓವರ್ಗಳಲ್ಲೇ ಭಾರತ 92 ರನ್ಗಳನ್ನು ವಿಕೆಟ್ ನಷ್ಟವಿಲ್ಲದೆ ಗಳಿಸಿತ್ತು.
ರೋಹಿತ್ ಶರ್ಮಾ ಕೇವಲ 34 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಅವರ ಬ್ಯಾಟಿಂಗ್ನಲ್ಲಿ ಬೌಂಡರಿ ಹಾಗೂ ಸಿಕ್ಸರ್ಗಳ ಸುರಿಮಳೆಯಾಯಿತು.
ಗಿಲ್ ಇನ್ನಷ್ಟು ವೇಗ ಹೆಚ್ಚಿಸಿ ಕೇವಲ 62 ಎಸೆತಗಳಲ್ಲಿ ಶತಕ ಪೂರೈಸಿದರು. ಇದು ಏಕದಿನದಲ್ಲಿ ಭಾರತೀಯ ನಾಯಕನೊಬ್ಬ ಗಳಿಸಿದ ಅತ್ಯಂತ ವೇಗದ ಶತಕವಾಗಿದೆ.
ರೋಹಿತ್ ಶರ್ಮಾ 72 ಎಸೆತಗಳಲ್ಲಿ ಶತಕ ಸಿಡಿಸಿ 101 ರನ್ಗಳ ಅದ್ಭುತ ಇನ್ನಿಂಗ್ಸ್ ಆಡಿದರು. ಇದೇ ವೇಳೆ ಏಕದಿನ ಕ್ರಿಕೆಟ್ನಲ್ಲಿ 12,000 ರನ್ಗಳ ಮೈಲಿಗಲ್ಲು ತಲುಪಿದರು.
ಶುಭಮನ್ ಗಿಲ್ ಕೇವಲ 117 ಎಸೆತಗಳಲ್ಲಿ 200 ರನ್ ಗಳಿಸಿದರು. ಅವರ ಇನ್ನಿಂಗ್ಸ್ನಲ್ಲಿ 24 ಬೌಂಡರಿ ಮತ್ತು 7 ಸಿಕ್ಸರ್ಗಳು ಇದ್ದವು.
ಗಿಲ್ ಅವರ ಈ ದ್ವಿಶತಕವು ಏಕದಿನ ಕ್ರಿಕೆಟ್ನಲ್ಲಿ ಅವರ ಎರಡನೇ ದ್ವಿಶತಕ. ಒಂದಕ್ಕಿಂತ ಹೆಚ್ಚು ODI ದ್ವಿಶತಕ ಗಳಿಸಿದ ರೋಹಿತ್ ಶರ್ಮಾ ಬಳಿಕದ ಎರಡನೇ ಬ್ಯಾಟರ್ ಎಂಬ ದಾಖಲೆಗೂ ಗಿಲ್ ಪಾತ್ರರಾದರು.
ರೋಹಿತ್ ಶರ್ಮಾ 101, ಶುಭಮನ್ ಗಿಲ್ ಅಜೇಯ 223, ವಿರಾಟ್ ಕೊಹ್ಲಿ 29, ರಿತುರಾಜ್ ಗಾಯಕ್ ವಾಡ್ ಅಜೇಯ 31 ರನ್ ಗಳಿಸಿದರು.
ಚೇಸ್ನ ವಿಶೇಷತೆ
ವೆಸ್ಟ್ ಇಂಡೀಸ್ನ ಮೂವರು ಬ್ಯಾಟರ್ಗಳು ಶತಕ ಸಿಡಿಸಿ 405/7 ಗಳಿಸಿದ್ದರೂ, ಭಾರತ ಆರಂಭದಿಂದಲೇ ರನ್ರೇಟ್ಗೆ ಒತ್ತಡಕ್ಕೆ ಒಳಗಾಗದೆ ಆಕ್ರಮಣಕಾರಿ ಆಟವಾಡಿತು. ರೋಹಿತ್–ಗಿಲ್ ಜೋಡಿಯ ಸ್ಫೋಟಕ ಆರಂಭದಿಂದಾಗಿ 400ಕ್ಕೂ ಅಧಿಕ ಗುರಿ ಕೂಡ ಸಾಧ್ಯವೆಂಬ ವಿಶ್ವಾಸ ಭಾರತಕ್ಕೆ ಮೂಡಿತು.
ಸ್ಕೋರ್ ವಿವರ
ವೆಸ್ಟ್ ಇಂಡೀಸ್ 405/7 (50 ಓವರ್), ಭಾರತ 406/2 (4.3.3 ಓವರ್)
