ಬೆಂಗಳೂರು: ಕೇಂದ್ರೀಯ ಪ್ರೌಢ ಶಿಕ್ಷಣ ಮಂಡಳಿಯು (CBSE) 2026ರ ಸಾಲಿನ 12ನೇ ತರಗತಿಯ ಫಲಿತಾಂಶಗಳನ್ನು ಪ್ರಕಟಿಸಲು ಅಂತಿಮ ಹಂತದ ಸಿದ್ಧತೆ ನಡೆಸುತ್ತಿದೆ. ಲಕ್ಷಾಂತರ ವಿದ್ಯಾರ್ಥಿಗಳು ಕಾತರದಿಂದ ಕಾಯುತ್ತಿರುವ ಈ ಫಲಿತಾಂಶದ ಕುರಿತು ಡಿಜಿಲಾಕರ್ (DigiLocker) ಮಹತ್ವದ ಸುಳಿವು ನೀಡಿದೆ.
ಡಿಜಿಲಾಕರ್ ಪೋರ್ಟಲ್ನಲ್ಲಿ ಈಗಾಗಲೇ 12ನೇ ತರಗತಿಯ ಫಲಿತಾಂಶದ ವಿಭಾಗದಲ್ಲಿ ಶೀಘ್ರದಲ್ಲೇ ಬರಲಿದೆ (Coming Soon) ಎಂಬ ಸೂಚನೆ ಕಾಣಿಸಿಕೊಂಡಿದೆ. ಮೂಲಗಳ ಪ್ರಕಾರ, ಮಂಡಳಿಯು ಮೇ 12 ಅಥವಾ 13ರಂದು ಅಧಿಕೃತವಾಗಿ ಫಲಿತಾಂಶವನ್ನು ಪ್ರಕಟಿಸುವ ಸಾಧ್ಯತೆಯಿದೆ.
ಫಲಿತಾಂಶ ವೀಕ್ಷಿಸುವುದು ಹೇಗೆ?
ವಿದ್ಯಾರ್ಥಿಗಳು ಅಧಿಕೃತ ವೆಬ್ಸೈಟ್ಗಳ ಮೂಲಕ ತಮ್ಮ ಅಂಕಪಟ್ಟಿಯನ್ನು ಸುಲಭವಾಗಿ ಪಡೆಯಬಹುದು:
cbse.gov.in
results.cbse.nic.in
results.gov.in
ಅಷ್ಟೇ ಅಲ್ಲದೆ, ಡಿಜಿಲಾಕರ್ ಮೂಲಕ ನಿಮ್ಮ ಡಿಜಿಟಲ್ ಅಂಕಪಟ್ಟಿ ಮತ್ತು ಪ್ರಮಾಣಪತ್ರದ ಮೂಲ ಪ್ರತಿಯನ್ನು ಡೌನ್ಲೋಡ್ ಮಾಡಿಕೊಳ್ಳಲು ಅವಕಾಶವಿದೆ
ಡಿಜಿಲಾಕರ್ (Digilocker) ಮೂಲಕ ಅಂಕಪಟ್ಟಿ ಡೌನ್ಲೋಡ್ ಮಾಡುವುದು ಹೇಗೆ?
ಡಿಜಿಲಾಕರ್ ಮೂಲಕ ಸುಲಭವಾಗಿ ಅಂಕಪಟ್ಟಿಯ ಡಿಜಿಟಲ್ ಪ್ರತಿಯನ್ನು ಪಡೆಯಲು ಈ ಹಂತಗಳನ್ನು ಅನುಸರಿಸಿ:
ಮೊದಲು ಶಾಲೆಯಿಂದ ನೀಡಲಾದ 6 ಅಂಕಿಯ ಆಕ್ಸೆಸ್ ಕೋಡ್ (Access Code), ಶಾಲಾ ಕೋಡ್ ಮತ್ತು ರೋಲ್ ನಂಬರ್ ಬಳಸಿ ನೋಂದಾಯಿಸಿಕೊಳ್ಳಿ.
ನಿಮ್ಮ ಮೊಬೈಲ್ ಸಂಖ್ಯೆಗೆ ಬರುವ OTP ಮೂಲಕ ದೃಢೀಕರಿಸಿ.
ನಂತರ ನಿಮ್ಮ ಮೊಬೈಲ್ ಸಂಖ್ಯೆ, ಇಮೇಲ್ ಐಡಿ ಮತ್ತು ಪಾಸ್ವರ್ಡ್ ಬಳಸಿ ಡಿಜಿಲಾಕರ್ಗೆ ಲಾಗಿನ್ ಆಗಿ.
ಅಲ್ಲಿ ನಿಮ್ಮ ಸಿಬಿಎಸ್ಇ 12ನೇ ತರಗತಿಯ ಅಂಕಪಟ್ಟಿಯನ್ನು (Scorecard PDF) ಹುಡುಕಿ ಮತ್ತು ಡೌನ್ಲೋಡ್ ಮಾಡಿಕೊಳ್ಳಿ.
ಅಧಿಕೃತ ವೆಬ್ಸೈಟ್ ಮೂಲಕ ವೀಕ್ಷಿಸುವ ಕ್ರಮ:
ಅಧಿಕೃತ ವೆಬ್ಸೈಟ್ಗಳಾದ cbse.gov.in ಅಥವಾ results.cbse.nic.in ಗೆ ಭೇಟಿ ನೀಡಿ.
ಹೋಮ್ ಪೇಜ್ನಲ್ಲಿರುವ “Class 12 scorecard PDF” ಲಿಂಕ್ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ರಿಜಿಸ್ಟ್ರೇಷನ್ ನಂಬರ್, ರೋಲ್ ನಂಬರ್ ಅಥವಾ ಜನ್ಮ ದಿನಾಂಕವನ್ನು ನಮೂದಿಸಿ.
ಈಗ ನಿಮ್ಮ ಫಲಿತಾಂಶ ಪರದೆಯ ಮೇಲೆ ಕಾಣಿಸುತ್ತದೆ. ಅದನ್ನು ಸೇವ್ ಮಾಡಿ ಪ್ರಿಂಟ್ ತೆಗೆದುಕೊಳ್ಳಿ.
UMANG ಆ್ಯಪ್ ಮೂಲಕ ಪಡೆಯುವ ವಿಧಾನ:
ಗೂಗಲ್ ಪ್ಲೇ ಸ್ಟೋರ್ನಿಂದ UMANG App ಡೌನ್ಲೋಡ್ ಮಾಡಿ.
ನಿಮ್ಮ ಮೊಬೈಲ್ ಸಂಖ್ಯೆ ಅಥವಾ ರಿಜಿಸ್ಟ್ರೇಷನ್ ನಂಬರ್ ಬಳಸಿ ಲಾಗಿನ್ ಆಗಿ.
CBSE 12th marksheet PDF ಲಿಂಕ್ ಆಯ್ಕೆ ಮಾಡಿ.
ನಿಮ್ಮ ಅಂಕಪಟ್ಟಿ ಡೌನ್ಲೋಡ್ಗೆ ಲಭ್ಯವಾಗುತ್ತದೆ.
ವಿದ್ಯಾರ್ಥಿಗಳು ಹೆಚ್ಚಿನ ಅಧಿಕೃತ ಮಾಹಿತಿಗಾಗಿ ನಿರಂತರವಾಗಿ ಸಿಬಿಎಸ್ಇ ವೆಬ್ಸೈಟ್ಗಳನ್ನು ಗಮನಿಸುತ್ತಿರಲು ಸೂಚಿಸಲಾಗಿದೆ.
ಕಳೆದ 6 ವರ್ಷಗಳ ಫಲಿತಾಂಶದ ಹಾದಿ:
ವರ್ಷಉತ್ತೀರ್ಣ ಶೇಕಡಾವಾರು
2025 88.39%
2024 87.98%
2023 87.33%
2022 92.71%
2021 99.37%
2020 88.78%
