ಉತ್ತರ ಭಾರತದಲ್ಲಿ ಬೇಸಿಗೆಯ ದಿನಗಳಲ್ಲಿ ಅತಿ ಹೆಚ್ಚು ಜನಪ್ರಿಯವಾಗಿರುವ ಸಾಂಪ್ರದಾಯಿಕ ಪಾನೀಯಗಳಲ್ಲಿ ಸತ್ತು ಕೂಲರ್ ಕೂಡ ಒಂದು. ಪಂಜಾಬ್, ಮಧ್ಯಪ್ರದೇಶ ಹಾಗೂ ಉತ್ತರ ಪ್ರದೇಶದ ಗ್ರಾಮೀಣ ಭಾಗಗಳಲ್ಲಿ ಮನೆಮಾತಾಗಿದ್ದ ಈ ದೇಸಿ ಎನರ್ಜಿ ಡ್ರಿಂಕ್, ಈಗ ತನ್ನಲ್ಲಿರುವ ಅದ್ಭುತ ಆರೋಗ್ಯ ಗುಣಗಳಿಂದಾಗಿ ನಗರ ಪ್ರದೇಶದ ಜನರನ್ನೂ ಆಕರ್ಷಿಸುತ್ತಿದೆ. ಇದು ಕೇವಲ ಬಾಯಾರಿಕೆ ನೀಗಿಸುವುದು ಮಾತ್ರವಲ್ಲದೆ, ದೇಹದಲ್ಲಿರುವ ಕಲ್ಮಶಗಳನ್ನು ಹೊರಹಾಕುವ ಮತ್ತು ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಅತ್ಯುತ್ತಮ ಡಿಟಾಕ್ಸ್ ಪಾನೀಯವಾಗಿ ಕೆಲಸ ಮಾಡುತ್ತದೆ.
ಬೇಕಾಗುವ ಸಾಮಗ್ರಿಗಳು:
- ಸತ್ತು ಪುಡಿ (ಹುರಿದ ಕಡ್ಲೆ ಹಿಟ್ಟು) – 50 ಗ್ರಾಂ
- ಸಕ್ಕರೆ – 15 ಗ್ರಾಂ
- ನಿಂಬೆ ರಸ – 10 ಮಿ.ಲೀ
- ನೀರು – 100 ಮಿ.ಲೀ
- ಐಸ್ ಕ್ಯೂಬ್ಸ್ – 5 ರಿಂದ 6
- ಹುರಿದ ಜೀರಿಗೆ ಪುಡಿ – ಅರ್ಧ ಚಮಚ
ತಯಾರಿಸುವ ವಿಧಾನ: ಮೊದಲಿಗೆ ಒಂದು ಪಾತ್ರೆಗೆ ನೀರನ್ನು ಹಾಕಿಕೊಂಡು, ಅದಕ್ಕೆ ಸತ್ತು ಪುಡಿ, ಸಕ್ಕರೆ ಮತ್ತು ಫ್ರೆಶ್ ನಿಂಬೆ ರಸವನ್ನು ಸೇರಿಸಿ. ಹಿಟ್ಟು ಗಂಟುಕಟ್ಟದಂತೆ ಚಮಚದಿಂದ ಚೆನ್ನಾಗಿ ಕೈಯಾಡಿಸಿ ಮಿಶ್ರಣ ಮಾಡಿಕೊಳ್ಳಿ. ನಂತರ ಈ ಪಾನೀಯವನ್ನು ಒಂದು ಎತ್ತರದ ಗ್ಲಾಸ್‌ಗೆ ಸುರಿದು, ಅದಕ್ಕೆ ಐಸ್ ಕ್ಯೂಬ್ಸ್‌ಗಳನ್ನು ಹಾಕಿ. ಕೊನೆಯದಾಗಿ ಮೇಲಿನಿಂದ ಹುರಿದ ಜೀರಿಗೆ ಪುಡಿಯನ್ನು ಉದುರಿಸಿ ಅಲಂಕರಿಸಿದರೆ, ಬೇಸಿಗೆಯ ತಾಪವನ್ನು ತಣಿಸುವ ರುಚಿಕರ ಹಾಗೂ ಆರೋಗ್ಯಕರ ಸತ್ತು ಕೂಲರ್ ಸವಿಯಲು ಸಿದ್ಧವಾಗುತ್ತದೆ.
