ಸ್ಟಾಕ್‌ ಹೋಮ್‌(ಸ್ವೀಡನ್): 2026 ರ ಅರ್ಥಶಾಸ್ತ್ರದಲ್ಲಿ ನೊಬೆಲ್ ಸ್ಮಾರಕ ಪ್ರಶಸ್ತಿಯನ್ನು ರಾಬರ್ಟ್ ಇ ಹಾಲ್ ಮತ್ತು ಮೈಕೆಲ್ ವುಡ್ ಫೋರ್ಡ್ ಅವರಿಗೆ ಸ್ಥೂಲ ಆರ್ಥಿಕ ಸ್ಥಿರೀಕರಣದ ಸೂಕ್ಷ್ಮ ಆರ್ಥಿಕ ಅಡಿಪಾಯಗಳ ಕುರಿತಾದ ಕೆಲಸಕ್ಕಾಗಿ ನೀಡಲಾಗಿದೆ.
ಸ್ವೀಡನ್ ನ ಸ್ಟಾಕ್‌ ಹೋಮ್‌ ನಲ್ಲಿರುವ ರಾಯಲ್ ಸ್ವೀಡಿಷ್ ಅಕಾಡೆಮಿ ಆಫ್ ಸೈನ್ಸಸ್ ಈ ಪ್ರಶಸ್ತಿಯನ್ನು ಘೋಷಿಸಿತು. ಹಣದುಬ್ಬರ, ಹಿಂಜರಿತ ಮತ್ತು ಆರ್ಥಿಕ ಏರಿಳಿತಗಳಂತಹ ಆರ್ಥಿಕ ಪರಿಸ್ಥಿತಿಗಳನ್ನು ಅರ್ಥಮಾಡಿಕೊಳ್ಳಲು ಮತ್ತು ನಿರ್ವಹಿಸಲು ಆರ್ಥಿಕ ಸಿದ್ಧಾಂತವು ಹೇಗೆ ಸಹಾಯ ಮಾಡುತ್ತದೆ ಎಂಬುದರ ಕುರಿತು ಅವರು ಮಾಡಿದ ಕೆಲಸಕ್ಕಾಗಿ ಈ ಇಬ್ಬರು ಅರ್ಥಶಾಸ್ತ್ರಜ್ಞರನ್ನು ಗೌರವಿಸಲಾಯಿತು.
ಅರ್ಥಶಾಸ್ತ್ರ ಪ್ರಶಸ್ತಿಯನ್ನು ಔಪಚಾರಿಕವಾಗಿ ಆಲ್ಫ್ರೆಡ್ ನೊಬೆಲ್ ಅವರ ಸ್ಮರಣಾರ್ಥ ಆರ್ಥಿಕ ವಿಜ್ಞಾನದಲ್ಲಿ ಬ್ಯಾಂಕ್ ಆಫ್ ಸ್ವೀಡನ್ ಪ್ರಶಸ್ತಿ ಎಂದು ಕರೆಯಲಾಗುತ್ತದೆ. ಡೈನಮೈಟ್ ಅನ್ನು ಕಂಡುಹಿಡಿದ ಮತ್ತು ಐದು ನೊಬೆಲ್ ಪ್ರಶಸ್ತಿಗಳನ್ನು ಸ್ಥಾಪಿಸಿದ 19 ನೇ ಶತಮಾನದ ಸ್ವೀಡಿಷ್ ಉದ್ಯಮಿ ಮತ್ತು ರಸಾಯನಶಾಸ್ತ್ರಜ್ಞ ನೊಬೆಲ್ ಅವರ ಸ್ಮಾರಕವಾಗಿ ಕೇಂದ್ರ ಬ್ಯಾಂಕ್ ಇದನ್ನು 1968 ರಲ್ಲಿ ಸ್ಥಾಪಿಸಿತು.
ಸುಮಾರು $1.2 ಮಿಲಿಯನ್ ಬಹುಮಾನದ ಹಣ
ಈ ವರ್ಷ, ಬಹುಮಾನದ ಹಣವು 12 ಮಿಲಿಯನ್ ಸ್ವೀಡಿಷ್ ಕ್ರೋನರ್ ಅಥವಾ ಸರಿಸುಮಾರು USD 1.2 ಮಿಲಿಯನ್. ಅರ್ಥಶಾಸ್ತ್ರ ಪ್ರಶಸ್ತಿಯು ಆಲ್ಫ್ರೆಡ್ ನೊಬೆಲ್ ಸ್ಥಾಪಿಸಿದ ಮೂಲ ಐದು ನೊಬೆಲ್ ಪ್ರಶಸ್ತಿಗಳಲ್ಲಿ ಇರಲಿಲ್ಲ. ಇದನ್ನು ನಂತರ ಸ್ಥಾಪಿಸಲಾಯಿತು, ಆದರೆ ಈಗ ಇದನ್ನು ಇತರ ನೊಬೆಲ್ ಪ್ರಶಸ್ತಿಗಳೊಂದಿಗೆ ವಾರ್ಷಿಕವಾಗಿ ಡಿಸೆಂಬರ್ 10 ರಂದು, ಆಲ್ಫ್ರೆಡ್ ನೊಬೆಲ್ ಅವರ ಮರಣದ ವಾರ್ಷಿಕೋತ್ಸವದಂದು ನೀಡಲಾಗುತ್ತದೆ.
ಕಳೆದ ವರ್ಷ, ಹೊಸ ಉತ್ಪನ್ನಗಳು ಮತ್ತು ಆವಿಷ್ಕಾರಗಳು ಆರ್ಥಿಕ ಬೆಳವಣಿಗೆಯನ್ನು ಹೇಗೆ ಉತ್ತೇಜಿಸುತ್ತವೆ ಮತ್ತು ಜನರ ಜೀವನವನ್ನು ಸುಧಾರಿಸುತ್ತವೆ ಎಂಬುದನ್ನು ಪ್ರದರ್ಶಿಸಿದ ಸಂಶೋಧನೆಗಾಗಿ ಮೂವರು ಸಂಶೋಧಕರಿಗೆ ಈ ಪ್ರಶಸ್ತಿಯನ್ನು ನೀಡಲಾಯಿತು. ಆದಾಗ್ಯೂ, ಹೊಸ ಆವಿಷ್ಕಾರಗಳು ಅಸ್ತಿತ್ವದಲ್ಲಿರುವ ಕಂಪನಿಗಳಿಗೆ ವ್ಯವಹಾರ ನಷ್ಟವನ್ನು ಉಂಟುಮಾಡಬಹುದು.
ಕೇಂದ್ರ ಬ್ಯಾಂಕುಗಳು ಮತ್ತು ಸರ್ಕಾರಗಳಿಗೆ ಉಪಯುಕ್ತವಾದ ಸಂಶೋಧನೆ
ಪ್ರಶಸ್ತಿ ಆಯ್ಕೆ ಸಮಿತಿಯ ಅಧ್ಯಕ್ಷರಾದ ಜಾನ್ ಹ್ಯಾಸ್ಲರ್, ಇಬ್ಬರು ಅರ್ಥಶಾಸ್ತ್ರಜ್ಞರ ಸಂಶೋಧನೆಯು ಈಗ ಕೇಂದ್ರ ಬ್ಯಾಂಕುಗಳು ಮತ್ತು ಸರ್ಕಾರಗಳು ವಿಶ್ವಾದ್ಯಂತ ಬಳಸುತ್ತಿರುವ ಆರ್ಥಿಕ ಮಾದರಿಗಳಿಗೆ ಬಲವಾದ ಸೈದ್ಧಾಂತಿಕ ಅಡಿಪಾಯವನ್ನು ಒದಗಿಸಿದೆ ಎಂದು ಹೇಳಿದರು. ಈ ಮಾದರಿಗಳು ಇಂಧನ ಬಿಕ್ಕಟ್ಟುಗಳು ಅಥವಾ ಮನೆಯ ಖರ್ಚಿನಲ್ಲಿನ ಹಠಾತ್ ಬದಲಾವಣೆಗಳಂತಹ ಆರ್ಥಿಕ ಸವಾಲುಗಳಿಗೆ ಉತ್ತಮವಾಗಿ ತಯಾರಿ ಮಾಡಲು ಸಹಾಯ ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ.
ರಾಬರ್ಟ್ ಇ ಹಾಲ್ ಅಮೆರಿಕದ ಕ್ಯಾಲಿಫೋರ್ನಿಯಾದ ಸ್ಟ್ಯಾನ್‌ ಫೋರ್ಡ್ ವಿಶ್ವವಿದ್ಯಾಲಯದವರಾಗಿದ್ದರೆ, ಮೈಕೆಲ್ ವುಡ್ ಫೋರ್ಡ್ ನ್ಯೂಯಾರ್ಕ್‌ ನ ಕೊಲಂಬಿಯಾ ವಿಶ್ವವಿದ್ಯಾಲಯದವರಾಗಿರುತ್ತಾರೆ. ಪ್ರಶಸ್ತಿ ಘೋಷಿಸಿದ ನಂತರ ವುಡ್ ಫೋರ್ಡ್ ನ್ಯೂಯಾರ್ಕ್‌ ನಿಂದ ಸಮಿತಿಯೊಂದಿಗೆ ದೂರವಾಣಿ ಮೂಲಕ ಮಾತನಾಡಿದರು. “ಇದು ನನಗೆ ದೊಡ್ಡ ಗೌರವ ಮತ್ತು ಆಶ್ಚರ್ಯ” ಎಂದು ಅವರು ಹೇಳಿದರು,
“ಪ್ರಶಸ್ತಿ ವಿಜೇತರ ಕಾರ್ಯವು, ಪ್ರಸ್ತುತ ಪ್ರಪಂಚದಾದ್ಯಂತದ ಕೇಂದ್ರೀಯ ಬ್ಯಾಂಕ್ ಗಳು ಮತ್ತು ಸರ್ಕಾರಗಳು ಬಳಸುತ್ತಿರುವ ಮಾದರಿಗಳಿಗೆ ಒಂದು ಸ್ಥಿರವಾದ ಸೈದ್ಧಾಂತಿಕ ಅಡಿಪಾಯವನ್ನು ಒದಗಿಸಿದೆ” ಎಂದು ಆರ್ಥಿಕ ವಿಜ್ಞಾನ ಪ್ರಶಸ್ತಿ ಸಮಿತಿಯ ಅಧ್ಯಕ್ಷ ಜಾನ್ ಹ್ಯಾಸ್ಲರ್ ತಿಳಿಸಿದ್ದಾರೆ.
