ಬೆಂಗಳೂರು: ಕಳೆದ ಕೆಲವು ದಿನಗಳಿಂದ ಸತತವಾಗಿ ಇಳಿಕೆಯಾಗಿ ಗ್ರಾಹಕರ ಜೇಬಿಗೆ ಕೊಂಚ ನೆಮ್ಮದಿ ನೀಡಿದ್ದ ಚಿನ್ನ ಹಾಗೂ ಬೆಳ್ಳಿ ಬೆಲೆ, ವೀಕೆಂಡ್ ಆರಂಭದಲ್ಲೇ ಗ್ರಾಹಕರಿಗೆ ಚುರುಕು ಮುಟ್ಟಿಸಿದೆ ಭಾರತದ ಮಾರುಕಟ್ಟೆಯಲ್ಲಿ ಶುಕ್ರವಾರ (ಜೂನ್ 12) ಬಂಗಾರ ಮತ್ತು ಬೆಳ್ಳಿ ಬೆಲೆಯಲ್ಲಿ ದಿಢೀರ್ ಭಾರಿ ಜಿಗಿತ ಕಂಡುಬಂದಿದೆ. ಕಳೆದ ಒಂದು ವಾರದಲ್ಲಿ ಬರೋಬ್ಬರಿ 9,000 ರೂಪಾಯಿಗಿಂತಲೂ ಹೆಚ್ಚು ಕುಸಿದಿದ್ದ ಹಳದಿ ಲೋಹದ ಬೆಲೆ, ಇಂದು ಒಂದೇ ದಿನ ಬರೋಬ್ಬರಿ ₹2,940 ರಷ್ಟು ಭಾರಿ ಏರಿಕೆ ಕಂಡಿದೆ. ಇತ್ತ ಬೆಳ್ಳಿ ಬೆಲೆಯೂ ಕೂಡ ಗ್ರಾಹಕರು ತಲೆಮೇಲೆ ಕೈ ಹೊರುವಂತೆ ಮಾಡಿದ್ದು, ಕೆಜಿಗೆ ಬರೋಬ್ಬರಿ ₹10,000 ಜಂಪ್ ಆಗಿದೆ
ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಇಂದಿನ ಲೇಟೆಸ್ಟ್ ದರ ಎಷ್ಟು?
ದೇಶದ ಪ್ರಮುಖ ಮಾರುಕಟ್ಟೆಗಳು ಹಾಗೂ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಇಂದಿನ ಚಿನ್ನ ಮತ್ತು ಬೆಳ್ಳಿಯ ನಿಖರ ದರಗಳ ಲಿಸ್ಟ್ ಇಲ್ಲಿದೆ:
22 ಕ್ಯಾರೆಟ್ ಚಿನ್ನ (ಆಭರಣ ಚಿನ್ನ): 10 ಗ್ರಾಮ್ಗೆ ₹1,36,200 ಆಗಿದೆ.
24 ಕ್ಯಾರೆಟ್ ಚಿನ್ನ (ಅಪರಂಜಿ ಚಿನ್ನ): 10 ಗ್ರಾಮ್ಗೆ ₹1,48,580 ತಲುಪಿದೆ.
ಬೆಳ್ಳಿ ಬೆಲೆ (Silver Rate): ಬೆಂಗಳೂರಿನಲ್ಲಿ 100 ಗ್ರಾಮ್ ಬೆಳ್ಳಿ ಬೆಲೆ ₹26,000 ಇದೆ (ಅಂದರೆ 1 ಕೆಜಿ ಬೆಳ್ಳಿಗೆ ಬರೋಬ್ಬರಿ ₹2,60,000 ತಲುಪಿದೆ). ತಮಿಳುನಾಡು ಮತ್ತು ಕೇರಳದ ಕೆಲವು ಭಾಗಗಳಲ್ಲಿ 100 ಗ್ರಾಮ್ ಬೆಳ್ಳಿ ಬೆಲೆ ₹26,500 ರಷ್ಟಿದೆ.
ಕಳೆದ ವಾರ ಭಾರಿ ಕುಸಿತ, ಇವತ್ತು ದಿಢೀರ್ ಜಿಗಿತಕ್ಕೆ ಕಾರಣವೇನು?
ಕಳೆದ ಎರಡು ದಿನಗಳ ಹಿಂದಷ್ಟೇ 600 ರೂಪಾಯಿಗಿಂತಲೂ ಅಧಿಕ ಇಳಿಕೆ ಕಂಡುಬಂದಿತ್ತು. ಜಾಗತಿಕ ಮಾರುಕಟ್ಟೆಯಲ್ಲಿನ ಏರಿಳಿತ ಹಾಗೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಹಳದಿ ಲೋಹಕ್ಕೆ ಬೇಡಿಕೆ ದಿಢೀರ್ ಹೆಚ್ಚಾದ ಹಿನ್ನೆಲೆಯಲ್ಲಿ ವಿದೇಶಗಳಲ್ಲೂ ಚಿನ್ನದ ದರ ದಾಖಲೆ ಮಟ್ಟದಲ್ಲಿ ಏರಿಕೆಯಾಗಿದೆ. ಇದರ ನೇರ ಪರಿಣಾಮ ಭಾರತೀಯ ಮಾರುಕಟ್ಟೆಯ ಮೇಲೂ ಬಿದ್ದಿದ್ದು, ಕೇವಲ ಒಂದು ವಾರದಲ್ಲಿ ಆಭರಣ ಪ್ರಿಯರಿಗೆ ಸಿಕ್ಕಿದ್ದ ಭಾರಿ ಆಫರ್ ಈಗ ಕೈತಪ್ಪಿದಂತಾಗಿದೆ.
ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ 24 ಕ್ಯಾರೆಟ್ ಚಿನ್ನದ ಬೆಲೆ
ಬೆಂಗಳೂರು ₹1,48,580
ನಾಗ್ಪುರ ₹1,48,580
ಮುಂಬೈ ₹1,48,580
ಚೆನ್ನೈ ₹1,50,550
ಕೋಲ್ಕತ್ತಾ ₹1,48,580
ಪಾಟ್ನಾ ₹1,48,630
ಸೂರತ್ ₹1,48,630
ಚಂಡೀಗಢ ₹1,48,730
ಲಕ್ನೋ ₹1,48,730
