ಯುವ ನಟಿ ತಾರಾ ಸುತಾರಿಯಾ ಅಂತಿಮವಾಗಿ ಪ್ರತಿಷ್ಠಿತ ಕಾನ್ ಫಿಲ್ಮ್ ಫೆಸ್ಟಿವಲ್ಗೆ ಪದಾರ್ಪಣೆ ಮಾಡಿದ್ದು, ತಮ್ಮ ಮೊದಲ ನೋಟದಲ್ಲೇ ಅಂತರಾಷ್ಟ್ರೀಯ ವೇದಿಕೆಯಲ್ಲಿ ಭಾರಿ ಗಮನ ಸೆಳೆದಿದ್ದಾರೆ. ಹಳೆಯ ಹಾಲಿವುಡ್ ಸೊಬಗು ಮತ್ತು ಆಧುನಿಕ ಫ್ಯಾಷನ್ ಮಿಶ್ರಿತ ಕಪ್ಪು ಮತ್ತು ಬಿಳಿ ಬಣ್ಣದ ವಿಶೇಷ ಉಡುಪಿನಲ್ಲಿ ತಾರಾ ಮಿಂಚಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಈ ಫೋಟೋಗಳು ವೈರಲ್ ಆಗಿವೆ.
ವಿಂಟೇಜ್ ಲುಕ್ನಲ್ಲಿ ತಾರಾ ಮೆರುಗು ‘ರೆಡ್ ಸೀ ಫಿಲ್ಮ್ ಫೌಂಡೇಶನ್’ನ ‘ವುಮೆನ್ ಇನ್ ಸಿನಿಮಾ ಗಾಲಾ’ದಲ್ಲಿ ಗೌರವ ಸ್ವೀಕರಿಸಲು ತಾರಾ ಅವರಿಗೆ ಆಹ್ವಾನ ನೀಡಲಾಗಿತ್ತು. ಈ ಸಂಭ್ರಮದ ಮೊದಲ ದಿನ ಅವರು ‘ಹೆಲ್ಸಾ’ (Helsa) ವಿನ್ಯಾಸಗೊಳಿಸಿದ ಕಪ್ಪು-ಬಿಳಿ ಬಣ್ಣದ ಗೌನ್ ಧರಿಸಿದ್ದರು. 1950ರ ದಶಕದ ಹಾಲಿವುಡ್ ಶೈಲಿಯನ್ನು ನೆನಪಿಸುವ ಈ ಉಡುಪು ಅತ್ಯಂತ ಆಕರ್ಷಕವಾಗಿತ್ತು. ಸ್ಟ್ರಾಪ್ಲೆಸ್ ಕಾರ್ಸೆಟ್ ಬಾಡಿಸ್ ಮತ್ತು ಸುಂದರವಾದ ವೈಟ್ ಲೇಸ್ ವರ್ಕ್ ಈ ಗೌನ್ಗೆ ವಿಶಿಷ್ಟ ಕಳೆ ನೀಡಿತ್ತು.
ತಮ್ಮ ಈ ಲುಕ್ಗೆ ಪೂರಕವಾಗಿ ತಾರಾ ಅವರು ಮುತ್ತಿನ ಓಲೆಗಳು, ಕ್ಲಾಸಿಕ್ ಪಾಯಿಂಟೆಡ್ ಹೀಲ್ಸ್ ಮತ್ತು ಕಪ್ಪು ಬಣ್ಣದ ಕ್ಯಾಟ್-ಐ ಸನ್ಗ್ಲಾಸ್ ಧರಿಸುವ ಮೂಲಕ ರೆಟ್ರೋ ಸ್ಟೈಲ್ ಅನ್ನು ಕಂಪ್ಲೀಟ್ ಮಾಡಿದ್ದರು. ಇನ್ಸ್ಟಾಗ್ರಾಮ್ನಲ್ಲಿ ಫೋಟೋ ಹಂಚಿಕೊಂಡಿರುವ ಅವರು, “ಕಾನ್ ಚಿತ್ರೋತ್ಸವಕ್ಕೆ ಆಹ್ವಾನಿತಳಾಗಿರುವುದು ಮತ್ತು ಗೌರವಕ್ಕೆ ಪಾತ್ರವಾಗಿರುವುದು ರೋಮಾಂಚನ ತಂದಿದೆ” ಎಂದು ಬರೆದುಕೊಂಡಿದ್ದಾರೆ.
ಏರ್ಪೋರ್ಟ್ ಲುಕ್ ಕೂಡ ವೈರಲ್ ಕಾನ್ ತಲುಪುವ ಮೊದಲೇ ತಾರಾ ಸುತಾರಿಯಾ ಅವರ ಏರ್ಪೋರ್ಟ್ ಲುಕ್ ಸುದ್ದಿಯಾಗಿತ್ತು. ಅವರು ಧರಿಸಿದ್ದ ಡಾರ್ಕ್ ಗ್ರೇ ಬಣ್ಣದ ಸ್ಟ್ರೈಪ್ಡ್ ಸೂಟ್ ಎಲ್ಲರ ಗಮನ ಸೆಳೆದಿತ್ತು. ಈ ಓವರ್ಸೈಜ್ಡ್ ಬ್ಲೇಜರ್ ಮತ್ತು ಪ್ಯಾಂಟ್ ಸೆಟ್ನ ಬೆಲೆ ಸುಮಾರು 65,789 ರೂಪಾಯಿ ಎಂದು ವರದಿಯಾಗಿದೆ. ಒಟ್ಟಿನಲ್ಲಿ ಮೊದಲ ಪ್ರಯತ್ನದಲ್ಲೇ ತಾರಾ ಅಂತರಾಷ್ಟ್ರೀಯ ಫ್ಯಾಷನ್ ವೇದಿಕೆಯಲ್ಲಿ ತಮಗೊಂದು ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ.
(@tarasutaria)
