ಉದ್ಯಮಿ ಮುಕೇಶ್ ಅಂಬಾನಿ ನಿವಾಸ ‘ಅಂಟಿಲಿಯಾ’ದಲ್ಲಿ ನಡೆದ ಗಣೇಶ ಚತುರ್ಥಿ ಸಂಭ್ರಮದಲ್ಲಿ ಬಾಲಿವುಡ್ನ ಖ್ಯಾತ ತಾರಾ ಜೋಡಿಗಳು ಸಾಂಪ್ರದಾಯಿಕ ಉಡುಪಿನಲ್ಲಿ ಆಗಮಿಸಿ ಎಲ್ಲರ ಗಮನ ಸೆಳೆದಿದ್ದಾರೆ. ಸೆಪ್ಟೆಂಬರ್ 14ರಂದು ನಡೆದ ಈ ಅದ್ಧೂರಿ ಕಾರ್ಯಕ್ರಮದಲ್ಲಿ ಆಲಿಯಾ ಭಟ್, ರಣ್ಬೀರ್ ಕಪೂರ್, ಕತ್ರಿನಾ ಕೈಫ್ ಮತ್ತು ವಿಕಿ ಕೌಶಲ್ ಸೇರಿದಂತೆ ಹಲವು ನಟ-ನಟಿಯರು ಭಾರತೀಯ ಶೈಲಿಯ ಉಡುಪುಗಳಲ್ಲಿ ಮಿಂಚಿದರು.
ನಟಿ ಆಲಿಯಾ ಭಟ್ ಐಸ್ ಬ್ಲೂ ಬಣ್ಣದ ಸೀರೆಯಲ್ಲಿ ವಿಭಿನ್ನವಾಗಿ ಕಾಣಿಸಿಕೊಂಡರೆ, ಅವರಿಗೆ ಜೋಡಿಯಾಗಿ ರಣ್ಬೀರ್ ಕಪೂರ್ ನೇವಿ ಬ್ಲೂ ಕುರ್ತಾ ಹಾಗೂ ನೆಹರೂ ಜಾಕೆಟ್ ಧರಿಸಿ ಸರಳ ಹಾಗೂ ಗಂಭೀರ ನೋಟದಲ್ಲಿ ಕಾಣಿಸಿಕೊಂಡರು. ಅದೇ ರೀತಿ ಕಿಯಾರಾ ಅಡ್ವಾಣಿ ತಿಳಿ ಗುಲಾಬಿ ಬಣ್ಣದ ಚಂದೇರಿ ಸೀರೆಯಲ್ಲಿ ಕಂಗೊಳಿಸಿದರೆ, ಸಿದ್ಧಾರ್ಥ್ ಮಲ್ಹೋತ್ರಾ ಬಿಳಿ ಬಣ್ಣದ ಕುರ್ತಾದಲ್ಲಿ ಗಮನ ಸೆಳೆದರು.
ಇನ್ನು ಹಿರಿಯ ನಟಿ ಕರೀನಾ ಕಪೂರ್ ಹಳದಿ ಬಣ್ಣದ ಅನಾರ್ಕಲಿ ಡ್ರೆಸ್ನಲ್ಲಿ ಮಿಂಚಿದರೆ, ಸೈಫ್ ಅಲಿ ಖಾನ್ ಕೆಂಪು ಕುರ್ತಾ ಮತ್ತು ಬಿಳಿ ಧೋತಿ ಧರಿಸಿ ದೇಶಿ ಶೈಲಿಯಲ್ಲಿ ಆಗಮಿಸಿದ್ದರು. ಕತ್ರಿನಾ ಕೈಫ್ ಆಲೀವ್ ಗ್ರೀನ್ ಅನಾರ್ಕಲಿಯಲ್ಲಿ ಸುಂದರವಾಗಿ ಕಾಣಿಸಿಕೊಂಡರೆ, ಅವರಿಗೆ ಸಾಥ್ ನೀಡಿದ ವಿಕಿ ಕೌಶಲ್ ಬಿಳಿ ಮತ್ತು ಗೋಲ್ಡನ್ ಬಣ್ಣದ ಚಿಕ್ಕನ್ಕಾರಿ ಕುರ್ತಾದಲ್ಲಿ ಮಿಂಚಿದರು. ಜತೆಗೆ ಜೆನಿಲಿಯಾ ಡಿಸೋಜಾ ಮತ್ತು ರಿತೇಶ್ ದೇಶ್ಮುಖ್ ಜೋಡಿ ಕೂಡ ವರ್ಣರಂಜಿತ ಸಾಂಪ್ರದಾಯಿಕ ಉಡುಪಿನಲ್ಲಿ ಕಾರ್ಯಕ್ರಮದ ರಂಗು ಹೆಚ್ಚಿಸಿದರು.
