ವಯಸ್ಸಾದಂತೆ ಕಾಯಿಲೆಗಳು ಬರುವುದು ಸಾಮಾನ್ಯ, ಆದರೆ ಆ ಕಾಯಿಲೆ ಗುಣಪಡಿಸಲು ಬಳಸುವ ಮೌಷಧಗಳೇ ಈಗ ಪ್ರಾಣಕ್ಕೆ ಕಂಟಕವಾಗುತ್ತಿವೆ. ಮುಖ್ಯವಾಗಿ 60 ವರ್ಷ ಮೇಲ್ಪಟ್ಟವರಲ್ಲಿ ‘ಪಾಲಿಫಾರ್ಮಸಿ’ (Polypharmacy) ಅಂದರೆ ಏಕಕಾಲಕ್ಕೆ ಹಲವಾರು ರೀತಿಯ ಔಷಧಗಳನ್ನು ಸೇವಿಸುವ ಅಭ್ಯಾಸ ಹೆಚ್ಚಾಗುತ್ತಿದ್ದು, ಇದು ಅಪಾಯಕಾರಿ ಎಂದು ವಿಜ್ಞಾನಿಗಳು ಎಚ್ಚರಿಸಿದ್ದಾರೆ.
ಮೆಡಿಕಲ್ ಕಾಲೇಜಿನ ಸಂಶೋಧನಾ ತಂಡವೊಂದು ನಡೆಸಿದ ಅಧ್ಯಯನದ ಪ್ರಕಾರ, ಶೇ. 64 ರಷ್ಟು ವೃದ್ಧರಲ್ಲಿ ಔಷಧಗಳ ಅಡ್ಡಪರಿಣಾಮದ (Drug Reaction) ಭೀತಿ ಇದೆ. ವೃದ್ಧರು ಸರಾಸರಿ 7.4 ರಷ್ಟು ವಿವಿಧ ಔಷಧಗಳನ್ನು ಬಳಸುತ್ತಿದ್ದು, ಶೇ. 24 ರಷ್ಟು ಮಂದಿ ದಿನಕ್ಕೆ 10ಕ್ಕೂ ಹೆಚ್ಚು ಮಾತ್ರೆಗಳನ್ನು ನುಂಗುತ್ತಿದ್ದಾರೆ.
ಅಪಾಯಕಾರಿ ಔಷಧಗಳ ಸಂಯೋಜನೆ:
ಕೆಲವು ಮಾತ್ರೆಗಳನ್ನು ಒಟ್ಟಿಗೆ ತೆಗೆದುಕೊಳ್ಳುವುದರಿಂದ ದೇಹದಲ್ಲಿ ವಿಷಕಾರಿ ಬದಲಾವಣೆಗಳಾಗಬಹುದು ಎಂದು ವೈದ್ಯರು ತಿಳಿಸಿದ್ದಾರೆ:
- ಆಸ್ಪಿರಿನ್ + ಕ್ಲೋಪಿಡೋಗ್ರೆಲ್: ಹೃದಯದ ಸಮಸ್ಯೆಗಾಗಿ ಇವೆರಡನ್ನೂ ಒಟ್ಟಿಗೆ ಬಳಸಿದರೆ ರಕ್ತಸ್ರಾವವಾಗುವ ಅಪಾಯವಿದೆ.
- ಇನ್ಸುಲಿನ್ + ಬೀಟಾ-ಬ್ಲಾಕರ್ಸ್: ಸಕ್ಕರೆ ಮಟ್ಟ ಕಡಿಮೆಯಾದಾಗ ದೇಹ ನೀಡುವ ಎಚ್ಚರಿಕೆಯ ಲಕ್ಷಣಗಳನ್ನು ಬೀಟಾ-ಬ್ಲಾಕರ್ಸ್ ಮರೆಮಾಚುತ್ತವೆ, ಇದರಿಂದ ರೋಗಿ ಕೋಮಾಕ್ಕೆ ಹೋಗುವ ಸಾಧ್ಯತೆ ಇರುತ್ತದೆ.
- ಇನ್ಹಿಬಿಟರ್‌ಗಳು + ಪೊಟ್ಯಾಸಿಯಮ್: ಇವು ರಕ್ತದಲ್ಲಿ ಪೊಟ್ಯಾಸಿಯಮ್ ಮಟ್ಟವನ್ನು ಹೆಚ್ಚಿಸಿ ನೇರವಾಗಿ ಹೃದಯದ ಮೇಲೆ ಪರಿಣಾಮ ಬೀರುತ್ತವೆ.
ಲಕ್ಷಣಗಳು ಮತ್ತು ಪರಿಣಾಮಗಳು:
- ತಲೆತಿರುಗುವಿಕೆ, ತೀವ್ರ ಆಯಾಸ ಮತ್ತು ಜೀರ್ಣಕ್ರಿಯೆಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
- ದೇಹದ ಸಮತೋಲನ ತಪ್ಪಿ ಬಿದ್ದು ಹೋಗುವ ಅಪಾಯವಿರುತ್ತದೆ.
- ಒಂದು ಔಷಧದ ಸೈಡ್ ಎಫೆಕ್ಟ್ ಅನ್ನು ಮತ್ತೊಂದು ಕಾಯಿಲೆ ಎಂದು ತಪ್ಪಾಗಿ ಭಾವಿಸಿ, ಮತ್ತೆ ಹೊಸ ಮಾತ್ರೆಗಳನ್ನು ತೆಗೆದುಕೊಳ್ಳುವುದರಿಂದ ರೋಗಿಯ ಮೇಲೆ ಆರ್ಥಿಕ ಹೊರೆಯೂ ಹೆಚ್ಚಾಗುತ್ತದೆ.
ವೈದ್ಯರ ಸಲಹೆ:
- ಹೊಸದಾಗಿ ವೈದ್ಯರ ಬಳಿ ಹೋದಾಗ ಹಳೆಯ ಪ್ರಿಸ್ಕ್ರಿಪ್ಷನ್‌ಗಳನ್ನು ತಪ್ಪದೇ ತೋರಿಸಿ.ಅನಗತ್ಯ ಔಷಧಗಳನ್ನು ಕಡಿಮೆ ಮಾಡುವುದು ಉತ್ತಮ.ಜಾಗತಿಕ ಯುದ್ಧಗಳ ಕಾರಣದಿಂದಾಗಿ ಔಷಧಗಳ ಬೆಲೆ ಏರಿಕೆಯಾಗುವ ಸಾಧ್ಯತೆ ಇದ್ದು, ಈಗಾಗಲೇ ಕೆಲವು ಮಾತ್ರೆಗಳ ಬೆಲೆ ಹೆಚ್ಚಾಗಿರುವುದು ರೋಗಿಗಳಿಗೆ ಹೊರೆಯಾಗಿ ಪರಿಣಮಿಸಿದೆ.
