BIG NEWS : ನಾಳೆ ದೇಶಾದ್ಯಂತ NEET-UG ಮರು ಪರೀಕ್ಷೆ, ಅಭ್ಯರ್ಥಿಗಳಿಗೆ ಈ ನಿಯಮಗಳ ಪಾಲನೆ ಕಡ್ಡಾಯ |NEET UG Re-Exam

NEET UG 2026 ಮರುಪರೀಕ್ಷೆಯನ್ನು ಪಾರದರ್ಶಕ ಹಾಗೂ ಸುರಕ್ಷಿತವಾಗಿ ನಡೆಸಲು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ಶನಿವಾರ (ಇಂದು) ದೇಶದಾದ್ಯಂತ ವಿಶೇಷ ಮಾಕ್ ಡ್ರಿಲ್ ನಡೆಸುತ್ತಿದೆ. ಪರೀಕ್ಷಾ ಕೇಂದ್ರಗಳ ಭದ್ರತಾ ವ್ಯವಸ್ಥೆ, ಅಭ್ಯರ್ಥಿಗಳ ಪ್ರವೇಶ ಪ್ರಕ್ರಿಯೆ ಹಾಗೂ ಪರೀಕ್ಷಾ ನಿರ್ವಹಣಾ ವ್ಯವಸ್ಥೆಗಳ ಸಿದ್ಧತೆಯನ್ನು ಪರಿಶೀಲಿಸುವ ಉದ್ದೇಶದಿಂದ ಈ ಡ್ರಿಲ್ ಆಯೋಜಿಸಲಾಗಿದೆ.

ಎನ್‌ಟಿಎ ಬಿಡುಗಡೆ ಮಾಡಿದ ಇತ್ತೀಚಿನ ಪ್ರಕಟಣೆಯ ಪ್ರಕಾರ, NEET (UG) 2026 ಮರುಪರೀಕ್ಷೆ ಜೂನ್ 21, ಭಾನುವಾರ ಮಧ್ಯಾಹ್ನ 2:00ರಿಂದ ಸಂಜೆ 5:15ರವರೆಗೆ ಪೆನ್-ಅಂಡ್-ಪೇಪರ್ ವಿಧಾನದಲ್ಲಿ ನಡೆಯಲಿದೆ. PwD/PwBD ವರ್ಗದ ಅಭ್ಯರ್ಥಿಗಳಿಗೆ ಹೆಚ್ಚುವರಿ ಸಮಯ ನೀಡಲಾಗಿದ್ದು, ಅವರು ಸಂಜೆ 6:20ರವರೆಗೆ ಪರೀಕ್ಷೆ ಬರೆಯಲು ಅವಕಾಶ ಕಲ್ಪಿಸಲಾಗಿದೆ.ದೇಶದ 551 ನಗರಗಳು ಹಾಗೂ ವಿದೇಶಗಳ 14 ನಗರಗಳಲ್ಲಿ ನಡೆಯಲಿರುವ ಈ ಪರೀಕ್ಷೆಗೆ ಸುಮಾರು 22.79 ಲಕ್ಷ ಅಭ್ಯರ್ಥಿಗಳು ಹಾಜರಾಗುವ ನಿರೀಕ್ಷೆಯಿದೆ.

ಪರೀಕ್ಷಾ ಕೇಂದ್ರಕ್ಕೆ ಯಾವಾಗ ತಲುಪಬೇಕು?

ಅಭ್ಯರ್ಥಿಗಳು ತಮ್ಮ ಪರೀಕ್ಷಾ ಕೇಂದ್ರಗಳಿಗೆ ಬೆಳಿಗ್ಗೆ 11:00ರಿಂದ ಮಧ್ಯಾಹ್ನ 1:30ರೊಳಗೆ ತಲುಪುವಂತೆ ಎನ್‌ಟಿಎ ಸೂಚಿಸಿದೆ.

• ಮಧ್ಯಾಹ್ನ 1:30ಕ್ಕೆ ಕೇಂದ್ರಗಳ ಗೇಟ್‌ಗಳನ್ನು ಮುಚ್ಚಲಾಗುತ್ತದೆ.
• ಆ ಬಳಿಕ ಯಾವುದೇ ಕಾರಣಕ್ಕೂ ಪ್ರವೇಶ ನೀಡುವುದಿಲ್ಲ.
• ಧಾರ್ಮಿಕ ಅಥವಾ ಸಾಂಪ್ರದಾಯಿಕ ಉಡುಪು ಧರಿಸುವವರು, ಫುಲ್ ಸ್ಲೀವ್ ಅಥವಾ ಉಣ್ಣೆಯ ಬಟ್ಟೆ ಧರಿಸುವವರು ಮುಂಚಿತವಾಗಿ ಆಗಮಿಸಬೇಕು.
• ಅಡ್ಮಿಟ್ ಕಾರ್ಡ್‌ನಲ್ಲಿರುವ ಪರೀಕ್ಷಾ ಕೇಂದ್ರದ ವಿಳಾಸವನ್ನು ಕಡ್ಡಾಯವಾಗಿ ಪರಿಶೀಲಿಸಿಕೊಳ್ಳಬೇಕು.
• ಕೆಲವು ಕೇಂದ್ರಗಳ ಸ್ಥಳ ಮಾಹಿತಿ ಮ್ಯಾಪ್ ಆ್ಯಪ್‌ಗಳಲ್ಲಿ ತಪ್ಪಾಗಿ ತೋರಿಸಬಹುದಾದ ಕಾರಣ ಅವುಗಳ ಮೇಲೆಯೇ ಸಂಪೂರ್ಣ ಅವಲಂಬಿಸಬಾರದು ಎಂದು ಎಚ್ಚರಿಸಲಾಗಿದೆ.

NEET ಅಭ್ಯರ್ಥಿಗಳಿಗಾಗಿ ವಿಶೇಷ ರೈಲು, ಮೆಟ್ರೋ ಸೇವೆ

ಪರೀಕ್ಷಾರ್ಥಿಗಳ ಅನುಕೂಲಕ್ಕಾಗಿ ದಕ್ಷಿಣ ಪೂರ್ವ ರೈಲ್ವೆ (South Eastern Railway) ವಿಶೇಷ ರೈಲು ಸೇವೆ ಆರಂಭಿಸಲಿದೆ.

• ವಿಶೇಷ ರೈಲು ಸಂಖ್ಯೆ 68044: ರೂರ್ಕೆಲಾದಿಂದ ಬೆಳಿಗ್ಗೆ 5:10ಕ್ಕೆ ಹೊರಟು ಟಾಟಾನಗರಕ್ಕೆ ಬೆಳಿಗ್ಗೆ 9:20ಕ್ಕೆ ತಲುಪಲಿದೆ.

ಇದಲ್ಲದೆ, ಕೋಲ್ಕತ್ತಾ ಮೆಟ್ರೋ ಜೂನ್ 21ರಂದು ಸಾಮಾನ್ಯ ವೇಳೆಗೆ ಸುಮಾರು ಐದು ಗಂಟೆಗಳ ಮುಂಚಿತವಾಗಿ, ಅಂದರೆ ಬೆಳಿಗ್ಗೆ 4 ಗಂಟೆಯಿಂದಲೇ ಮೂರು ಕಾರಿಡಾರ್‌ಗಳಲ್ಲಿ ಸೇವೆ ಆರಂಭಿಸಲಿದೆ. ಅಂತರರಾಷ್ಟ್ರೀಯ ಯೋಗ ದಿನಾಚರಣೆ ಹಾಗೂ NEET ಅಭ್ಯರ್ಥಿಗಳು ಮತ್ತು ಅವರ ಪೋಷಕರ ಸಂಚಾರವನ್ನು ಗಮನದಲ್ಲಿಟ್ಟುಕೊಂಡು ಈ ಕ್ರಮ ಕೈಗೊಳ್ಳಲಾಗಿದೆ.

ಅಡ್ಮಿಟ್ ಕಾರ್ಡ್ ಕುರಿತು NTA ಸ್ಪಷ್ಟನೆ

ಎನ್‌ಟಿಎ ಸಾಮಾಜಿಕ ಜಾಲತಾಣ X ಮೂಲಕ ಮಹತ್ವದ ಮಾಹಿತಿ ನೀಡಿದೆ.

• ಜೂನ್ 21ರ NEET UG ಪರೀಕ್ಷೆಗೆ ಈಗಾಗಲೇ ಹೊಸ ಅಡ್ಮಿಟ್ ಕಾರ್ಡ್ ಡೌನ್‌ಲೋಡ್ ಮಾಡಿಕೊಂಡಿರುವ ಅಭ್ಯರ್ಥಿಗಳು ಮತ್ತೆ ಡೌನ್‌ಲೋಡ್ ಮಾಡುವ ಅಗತ್ಯವಿಲ್ಲ.
• SMS, ಇ-ಮೇಲ್ ಹಾಗೂ ವಾಟ್ಸಾಪ್ ಮೂಲಕ ಕಳುಹಿಸಲಾಗುತ್ತಿರುವ ಸಂದೇಶಗಳು ಇನ್ನೂ ಹೊಸ ಅಡ್ಮಿಟ್ ಕಾರ್ಡ್ ಡೌನ್‌ಲೋಡ್ ಮಾಡದ ಅಭ್ಯರ್ಥಿಗಳಿಗಾಗಿ ಮಾತ್ರ.
• ಮೇ 3ರಂದು ನೀಡಿದ್ದ ಹಳೆಯ ಅಡ್ಮಿಟ್ ಕಾರ್ಡ್‌ಗಳು ಮಾನ್ಯವಾಗುವುದಿಲ್ಲ.
• ಅನೇಕ ಅಭ್ಯರ್ಥಿಗಳಿಗೆ ಅವರ ಆದ್ಯತೆಯ ನಗರಗಳಲ್ಲಿ ಹೊಸ ಪರೀಕ್ಷಾ ಕೇಂದ್ರಗಳನ್ನು ಮರುಹಂಚಿಕೆ ಮಾಡಿರುವುದರಿಂದ ಜೂನ್ 21ರ ಹೊಸ ಅಡ್ಮಿಟ್ ಕಾರ್ಡ್‌ನ್ನೇ ಬಳಸಬೇಕು.
• ಹೊಸ ಅಡ್ಮಿಟ್ ಕಾರ್ಡ್ ಅನ್ನು ಒಮ್ಮೆ ಡೌನ್‌ಲೋಡ್ ಮಾಡಿ ಪ್ರಿಂಟ್ ತೆಗೆದುಕೊಂಡರೆ ಸಾಕು ಎಂದು ಎನ್‌ಟಿಎ ತಿಳಿಸಿದೆ.

ಅಭ್ಯರ್ಥಿಗಳಿಗೆ ಪ್ರಮುಖ ಸೂಚನೆಗಳು

• ಬೆಳಿಗ್ಗೆ 11 ಗಂಟೆಯೊಳಗೆ ಪರೀಕ್ಷಾ ಕೇಂದ್ರ ತಲುಪುವುದು ಉತ್ತಮ.
• ಅಡ್ಮಿಟ್ ಕಾರ್ಡ್ ಹಾಗೂ ಫೋಟೋ ಗುರುತಿನ ಚೀಟಿ ಕಡ್ಡಾಯವಾಗಿ ಕೊಂಡೊಯ್ಯಬೇಕು.
• ಮಧ್ಯಾಹ್ನ 1:30 ನಂತರ ಪ್ರವೇಶ ಇರುವುದಿಲ್ಲ.
• ಹಳೆಯ ಅಡ್ಮಿಟ್ ಕಾರ್ಡ್ ಬಳಸಬಾರದು.
• ಪರೀಕ್ಷಾ ಕೇಂದ್ರದ ವಿಳಾಸವನ್ನು ಮುಂಚಿತವಾಗಿ ಪರಿಶೀಲಿಸಿಕೊಳ್ಳಬೇಕು.
• ಭದ್ರತಾ ತಪಾಸಣೆ ವೇಳೆ ಅಧಿಕಾರಿಗಳಿಗೆ ಸಹಕರಿಸಬೇಕು.