ಬೆಂಗಳೂರು, ಜೂನ್ 24: ಮಗು ಹುಟ್ಟಿದ ಕ್ಷಣದಿಂದಲೇ ಪ್ರತಿಯೊಬ್ಬ ಪೋಷಕರಿಗೂ ಕಾಡುವ ದೊಡ್ಡ ಚಿಂತೆ ಎಂದರೆ ಅದು ಮಕ್ಕಳ ಉನ್ನತ ಶಿಕ್ಷಣ (Higher Education) ಮತ್ತು ಅವರ ಸುರಕ್ಷಿತ ಭವಿಷ್ಯ. ಇಂದಿನ ದಿನಗಳಲ್ಲಿ ಎಲ್ಕೆಜಿಯಿಂದ ಹಿಡಿದು ಇಂಜಿನಿಯರಿಂಗ್, ಮೆಡಿಕಲ್ ಓದಿನ ವೆಚ್ಚ ಗಗನಕ್ಕೇರುತ್ತಿದೆ. ಹೀಗಾಗಿ, ಸರಿಯಾದ ಸಮಯದಲ್ಲಿ ಸುರಕ್ಷಿತ ಹೂಡಿಕೆ ಮಾಡುವುದು ಅನಿವಾರ್ಯ. ಈ ನಿಟ್ಟಿನಲ್ಲಿ ಇಂದಿಗೂ ಕೋಟ್ಯಂತರ ಭಾರತೀಯರ ನಂಬಿಕಸ್ಥ ಸಂಸ್ಥೆಯಾಗಿರುವ ಎಲ್ಐಸಿ (LIC), ಮಕ್ಕಳಿಗಾಗಿಯೇ ಮೂರು ಸೂಪರ್ ಯೋಜನೆಗಳನ್ನು ನೀಡುತ್ತಿದೆ.ಅವುಗಳೇ ಜೀವನ್ ಲಕ್ಷ್ಯ, ಜೀವನ್ ತರುಣ್ ಮತ್ತು ನ್ಯೂ ಚಿಲ್ಡ್ರನ್ ಮನಿ ಬ್ಯಾಕ್. ಆದರೆ ಈ ಮೂರರಲ್ಲಿ ನಿಮ್ಮ ಮಗುವಿಗೆ ಯಾವುದು ಬೆಸ್ಟ್?
ಎಲ್ಐಸಿಯ 3 ಸೂಪರ್ ಪ್ಲಾನ್ಗಳ ಪ್ರಮುಖ ವಿವರಗಳು :
ಜೀವನ್ ಲಕ್ಷ್ಯ (ಪ್ಲಾನ್ ನಂ. 933)
ರಿಟರ್ನ್ಸ್ ದರ (IRR): ಶೇ. 7.02 (ಎಲ್ಲಕ್ಕಿಂತ ಅತಿ ಹೆಚ್ಚು ಲಾಭ)
ಪ್ರಮುಖ ವಿಶೇಷತೆ / ಲಾಭ: ಒಂದು ವೇಳೆ ಪಾಲಿಸಿದಾರರು (ಪೋಷಕರು) ಅವಧಿಗೂ ಮುನ್ನ ಮರಣ ಹೊಂದಿದರೆ, ಮುಂದಿನ ಪ್ರೀಮಿಯಂ ಪಾವತಿಸುವ ಅಗತ್ಯವಿರುವುದಿಲ್ಲ. ಜೊತೆಗೆ ಪ್ರತಿ ವರ್ಷ ವಿಮಾ ಮೊತ್ತದ ಶೇ. 10 ರಷ್ಟು ಹಣ ಕುಟುಂಬಕ್ಕೆ ಸಿಗುತ್ತದೆ.
ಯಾರಿಗೆ ಇದು ಬೆಸ್ಟ್?: ಪೋಷಕರು ಇಲ್ಲದಿದ್ದರೂ ಮಗುವಿನ ಓದು ಯಾವುದೇ ಅಡಚಣೆಯಿಲ್ಲದೆ ಮುಂದುವರಿಯಬೇಕು ಮತ್ತು ಗರಿಷ್ಠ ಆರ್ಥಿಕ ರಕ್ಷಣೆ ಬೇಕು ಎನ್ನುವವರಿಗೆ ಇದು ಅತ್ಯುತ್ತಮ ಆಯ್ಕೆ.
ನ್ಯೂ ಚಿಲ್ಡ್ರನ್ ಮನಿ ಬ್ಯಾಕ್ (ಪ್ಲಾನ್ ನಂ. 932)
ರಿಟರ್ನ್ಸ್ ದರ (IRR): ಮಧ್ಯಮ ಪ್ರಮಾಣದ ರಿಟರ್ನ್ಸ್
ಪ್ರಮುಖ ವಿಶೇಷತೆ / ಲಾಭ: ಮಗುವಿನ ಪ್ರಮುಖ ಬೆಳವಣಿಗೆಯ ಹಂತಗಳಾದ 18, 20 ಮತ್ತು 22 ವರ್ಷ ತುಂಬಿದಾಗ ವಿಮಾ ಮೊತ್ತದ ಶೇ. 20 ರಷ್ಟು ಹಣ ‘ಮನಿ ಬ್ಯಾಕ್’ ರೂಪದಲ್ಲಿ ಕೈಗೆ ಸಿಗುತ್ತದೆ.
ಯಾರಿಗೆ ಇದು ಬೆಸ್ಟ್?: ಮಗುವಿನ ಕಾಲೇಜು ಸೇರ್ಪಡೆ, ಉನ್ನತ ವ್ಯಾಸಂಗ ಅಥವಾ ಮದುವೆಗೆ ಹಂತ ಹಂತವಾಗಿ ದೊಡ್ಡ ಮೊತ್ತದ ಹಣದ ಅಗತ್ಯವಿರುವ ಪೋಷಕರಿಗೆ ಇದು ಸೂಕ್ತ.
ಜೀವನ್ ತರುಣ್ (ಪ್ಲಾನ್ ನಂ. 934)
ರಿಟರ್ನ್ಸ್ ದರ (IRR): ನಮ್ಯತೆ (Flexibility) ಆಧಾರಿತ ರಿಟರ್ನ್ಸ್
ಪ್ರಮುಖ ವಿಶೇಷತೆ / ಲಾಭ: ಮಗುವಿಗೆ 20 ರಿಂದ 24 ವರ್ಷ ತುಂಬುವವರೆಗೆ ಎಷ್ಟು ಹಣವನ್ನು ಮನಿ ಬ್ಯಾಕ್ ರೂಪದಲ್ಲಿ ಪಡೆಯಬೇಕು ಮತ್ತು ಕೊನೆಯಲ್ಲಿ ಎಷ್ಟು ಬೇಕು ಎಂಬುದನ್ನು ಪೋಷಕರೇ ಸ್ವತಃ ನಿರ್ಧರಿಸಬಹುದು.
ಯಾರಿಗೆ ಇದು ಬೆಸ್ಟ್?: ಮಗುವಿನ ಮುಂದಿನ ಶಿಕ್ಷಣದ ಖರ್ಚು-ವೆಚ್ಚಗಳಿಗೆ ತಕ್ಕಂತೆ ಪಾಲಿಸಿಯ ಹಣ ಬರುವಿಕೆಯನ್ನು ತಮಗಿಷ್ಟ ಬಂದ ಹಾಗೆ ಕಸ್ಟಮೈಸ್ (Customize) ಮಾಡಲು ಬಯಸುವವರಿಗೆ ಇದು ಹೇಳಿಮಾಡಿಸಿದ ಪ್ಲಾನ್.
LIC 3 ಸೂಪರ್ ಪ್ಲಾನ್ಗಳ ಕಂಪ್ಲೀಟ್ ಮಾಹಿತಿ ಇಲ್ಲಿದೆ
ಜೀವನ್ ಲಕ್ಷ್ಯ (ಗರಿಷ್ಠ ಲಾಭ ಮತ್ತು ಭದ್ರತೆ)
ಈ ಮೂರು ಯೋಜನೆಗಳಲ್ಲಿ ಜೀವನ್ ಲಕ್ಷ್ಯ ಪ್ಲಾನ್ ಶೇ. 7.02 ರಷ್ಟು ಐಆರ್ಆರ್ (IRR) ದರದೊಂದಿಗೆ ಮೊದಲ ಸ್ಥಾನದಲ್ಲಿದೆ. ಇದರ ದೊಡ್ಡ ಪ್ಲಸ್ ಪಾಯಿಂಟ್ ಎಂದರೆ, ಒಂದು ವೇಳೆ ಪಾಲಿಸಿದಾರರು (ಪೋಷಕರು) ಅವಧಿಗೂ ಮುನ್ನ ಮರಣ ಹೊಂದಿದರೆ, ಮುಂದಿನ ಯಾವುದೇ ಪ್ರೀಮಿಯಂ ಪಾವತಿಸುವ ಅಗತ್ಯವಿರುವುದಿಲ್ಲ. ಅಲ್ಲದೆ, ಪೋಷಕರ ಮರಣದ ನಂತರ ಪ್ರತಿ ವರ್ಷ ವಿಮಾ ಮೊತ್ತದ (Sum Assured) ಶೇ. 10 ರಷ್ಟು ಹಣವನ್ನು ಮಗುವಿನ ಓದಿಗೆ ನೀಡಲಾಗುತ್ತದೆ ಮತ್ತು ಮೆಚ್ಯೂರಿಟಿ ಸಮಯದಲ್ಲಿ ಪೂರ್ಣ ಬೋನಸ್ ಹಣವೂ ಸಿಗುತ್ತದೆ.
ನ್ಯೂ ಚಿಲ್ಡ್ರನ್ ಮನಿ ಬ್ಯಾಕ್ (ಹಂತ ಹಂತದ ಖರ್ಚಿಗೆ ಸಹಕಾರಿ)
ಮಕ್ಕಳ ವಿದ್ಯಾಭ್ಯಾಸದ ಪ್ರಮುಖ ಘಟ್ಟಗಳಲ್ಲಿ ಹಣದ ಅವಶ್ಯಕತೆ ಇರುವ ಪೋಷಕರಿಗೆ ಇದು ಸರಿಯಾದ ಆಯ್ಕೆ. ಮಗುವಿಗೆ 18, 20 ಮತ್ತು 22 ವರ್ಷ ತುಂಬಿದಾಗ ವಿಮಾ (ಬಾಂಡ್) ಮೊತ್ತದ ಶೇ. 20 ರಷ್ಟು ಹಣವನ್ನು ಮನಿ ಬ್ಯಾಕ್ ರೂಪದಲ್ಲಿ ನೀಡಲಾಗುತ್ತದೆ. ಇನ್ನುಳಿದ ಶೇ. 40 ರಷ್ಟು ಹಣವನ್ನು ಬೋನಸ್ ಜೊತೆಗೆ ಮಗುವಿಗೆ 25 ವರ್ಷ ತುಂಬಿದಾಗ ಇಂಟರೆಸ್ಟ್ ಸೇರಿಸಿ ಒಟ್ಟಿಗೆ ನೀಡಲಾಗುತ್ತದೆ.
ಜೀವನ್ ತರುಣ್ (ಫ್ಲೆಕ್ಸಿಬಲ್ ಪ್ಲಾನ್)
ಈ ಯೋಜನೆಯು ಪೋಷಕರಿಗೆ ಹಣ ಪಡೆಯುವ ವಿಷಯದಲ್ಲಿ ಹೆಚ್ಚಿನ ಸ್ವಾತಂತ್ರ್ಯ ನೀಡುತ್ತದೆ. ಮಗುವಿನ ಉನ್ನತ ಶಿಕ್ಷಣದ ಅಗತ್ಯಕ್ಕೆ ತಕ್ಕಂತೆ 20 ರಿಂದ 24 ವರ್ಷದ ಅವಧಿಯಲ್ಲಿ ಎಷ್ಟು ಹಣವನ್ನು ಮನಿ ಬ್ಯಾಕ್ ರೂಪದಲ್ಲಿ ಪಡೆಯಬೇಕು ಮತ್ತು ಕೊನೆಯಲ್ಲಿ ಎಷ್ಟು ಬೇಕು ಎಂಬುದನ್ನು ಪೋಷಕರೇ ಪ್ಲಾನ್ ಮಾಡುವ ನಮ್ಯತೆ (Flexibility) ಇದರಲ್ಲಿದೆ.
