ಸಂಜಯ್ ಲೀಲಾ ಭನ್ಸಾಲಿ ನಿರ್ದೇಶನದ ಮುಂಬರುವ ಬಿಗ್ ಬಜೆಟ್ ಸಿನಿಮಾ ‘ಲವ್ ಅಂಡ್ ವಾರ್’ ತಂಡದ ಸದಸ್ಯರು ಮುಂಬೈನಲ್ಲಿ ವಿಶೇಷ ಭೋಜನಕೂಟಕ್ಕಾಗಿ (ಡಿನ್ನರ್) ಒಂದೆಡೆ ಸೇರಿದ್ದರು. ರಣ್ಬೀರ್ ಕಪೂರ್, ಆಲಿಯಾ ಭಟ್, ವಿಕ್ಕಿ ಕೌಶಲ್ ಹಾಗೂ ನಿರ್ದೇಶಕ ಸಂಜಯ್ ಲೀಲಾ ಭನ್ಸಾಲಿ ಶನಿವಾರ ರಾತ್ರಿ ಹೋಟೆಲ್ ಒಂದಕ್ಕೆ ಆಗಮಿಸಿದ್ದು, ಕ್ಯಾಮೆರಾಗಳಿಗೆ ಪೋಸ್ ನೀಡಿದರು.
ಕಾರ್ಯಕ್ರಮ ಮುಗಿಸಿ ಹೊರಬರುವಾಗ ರಣ್ಬೀರ್ ಕಪೂರ್ ತಮ್ಮ ಪತ್ನಿ ಆಲಿಯಾ ಭಟ್ ಅವರನ್ನು ಜನಸಂದಣಿಯ ನಡುವೆ ಸುರಕ್ಷಿತವಾಗಿ ಕರೆದೊಯ್ದ ರೀತಿ ಎಲ್ಲರ ಗಮನ ಸೆಳೆದಿದೆ. ಮಾಧ್ಯಮದವರು ಹಾಗೂ ಪಾಪರಾಜಿಗಳ ನೂಕುನುಗ್ಗಲು ಹೆಚ್ಚಿದ್ದ ಕಾರಣ, ರಣ್ಬೀರ್ ಆಲಿಯಾ ಅವರ ಸೊಂಟದ ಮೇಲೆ ಪ್ರೀತಿಯಿಂದ ಕೈಯಿಟ್ಟು, ಜನರಿಂಂದ ಯಾವುದೇ ತೊಂದರೆಯಾಗದಂತೆ ರಕ್ಷಿಸುತ್ತಾ ಕಾರಿನತ್ತ ಕರೆದೊಯ್ದರು.
ರಣ್ಬೀರ್ ಅವರ ಈ ಕಾಳಜಿಗೆ ಆಲಿಯಾ ಭಟ್ ನಾಚಿ ನೀರಾದ ದೃಶ್ಯಗಳು ವೀಡಿಯೋದಲ್ಲಿ ಸೆರೆಯಾಗಿವೆ. ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಈ ವೀಡಿಯೋ ತುಣುಕು ವೈರಲ್ ಆಗುತ್ತಿದ್ದು, ಅಭಿಮಾನಿಗಳು ಈ ಜೋಡಿಯ ಕೆಮಿಸ್ಟ್ರಿಗೆ ಹಾಗೂ ರಣ್ಬೀರ್ ಅವರ ರಕ್ಷಣಾತ್ಮಕ ನಡವಳಿಕೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
ಇನ್ನು ‘ಲವ್ ಅಂಡ್ ವಾರ್’ ಸಿನಿಮಾದ ಪೋಸ್ಟರ್ಗಳು ಇತ್ತೀಚೆಗಷ್ಟೇ ಬಿಡುಗಡೆಯಾಗಿದ್ದು, ಪ್ರೇಕ್ಷಕರಲ್ಲಿ ಭಾರೀ ಕುತೂಹಲ ಮೂಡಿಸಿವೆ. ಈ ಬಹುನಿರೀಕ್ಷಿತ ಚಿತ್ರವು 2027ರ ಜನವರಿ 21 ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಅದ್ದೂರಿಯಾಗಿ ಬಿಡುಗಡೆಯಾಗಲಿದೆ.
