ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಖಾತೆದಾರರಿಗೆ ಮಹತ್ತರವಾದ ಸಡಿಲಿಕೆ ನೀಡಿದೆ. ನಿಯಮಗಳಲ್ಲಿ ಪ್ರಮುಖ ಬದಲಾವಣೆಗಳನ್ನು ಮಾಡಿ, ಕೆಲವು ವಿಶೇಷ ಸಂದರ್ಭಗಳಲ್ಲಿ ಸದಸ್ಯರು ತಮ್ಮ ಪಿಎಫ್ ಖಾತೆಯಲ್ಲಿರುವ ಸಂಪೂರ್ಣ ಮೊತ್ತವನ್ನು ಹಿಂಪಡೆಯಲು ಅವಕಾಶ ಕಲ್ಪಿಸಿದೆ.
ಇದಕ್ಕಾಗಿ ಯಾವುದೇ ಕಾರಣವನ್ನು ನೀಡುವ ಅಗತ್ಯವಿಲ್ಲ. ಅರ್ಹ ಸದಸ್ಯರು ಇನ್ನು ಮುಂದೆ ಯಾವುದೇ ಕಾರಣ ತಿಳಿಸದೆ ತಮ್ಮ ಪಿಎಫ್ ಖಾತೆಯಲ್ಲಿರುವ ಸಂಪೂರ್ಣ ಹಣವನ್ನು (100%) ವಿತ್ಡ್ರಾ ಮಾಡಬಹುದು. ಕ್ಲೈಮ್ ತಿರಸ್ಕಾರಗಳನ್ನು ಕಡಿಮೆ ಮಾಡಲು ಹಾಗೂ ಅಗತ್ಯವಿರುವ ಉದ್ಯೋಗಿಗಳಿಗೆ ಸಮಯಕ್ಕೆ ಸರಿಯಾಗಿ ಆರ್ಥಿಕ ನೆರವು ತಲುಪಿಸಲು EPFO ಈ ನಿರ್ಧಾರ ಕೈಗೊಂಡಿದೆ.
ನಿಯಮಗಳಲ್ಲಿ ಬದಲಾವಣೆ
ಈ ಹಿಂದೆ ವಿಶೇಷ ಸಂದರ್ಭಗಳಲ್ಲಿ ಸಂಪೂರ್ಣ ಪಿಎಫ್ ಹಣವನ್ನು ಪಡೆಯಲು ಸದಸ್ಯರು ಕಾರಣವನ್ನು ನೀಡಬೇಕಾಗಿತ್ತು. ಜೊತೆಗೆ ಸಂಬಂಧಿತ ದಾಖಲೆಗಳು ಮತ್ತು ಸಾಕ್ಷ್ಯಗಳನ್ನು ಸಲ್ಲಿಸಬೇಕಾಗುತ್ತಿತ್ತು. ಕಾರಣ ಅಥವಾ ದಾಖಲೆಗಳು ಸರಿಯಾಗಿರದಿದ್ದರೆ ಅಧಿಕಾರಿಗಳು ಕ್ಲೈಮ್ಗಳನ್ನು ತಿರಸ್ಕರಿಸುತ್ತಿದ್ದರು.ಈ ಸಮಸ್ಯೆಗಳಿಗೆ ಪರಿಹಾರವಾಗಿ EPFO ಹೊಸ ನಿಯಮವನ್ನು ಜಾರಿಗೆ ತಂದಿದೆ. ಈಗ ಅರ್ಹ ಸದಸ್ಯರು ಯಾವುದೇ ಕಾರಣ ನೀಡದೆ ವಿಶೇಷ ಪ್ರಕರಣದ ಅಡಿಯಲ್ಲಿ ತಮ್ಮ ಪಿಎಫ್ ಖಾತೆಯಲ್ಲಿರುವ ಸಂಪೂರ್ಣ ಹಣವನ್ನು ಹಿಂಪಡೆಯಲು ಅರ್ಜಿ ಸಲ್ಲಿಸಬಹುದು.
ಈವರೆಗೆ ಕೇವಲ 75% ಮೊತ್ತವನ್ನು ಮಾತ್ರ ವಿತ್ಡ್ರಾ ಮಾಡಲು ಅವಕಾಶವಿತ್ತು. ಈಗ ಕೆಲವು ವಿಶೇಷ ಸಂದರ್ಭಗಳಲ್ಲಿ 100% ಮೊತ್ತವನ್ನು ಪಡೆಯುವಂತೆ ನಿಯಮ ಬದಲಿಸಲಾಗಿದೆ. ತುರ್ತು ಪರಿಸ್ಥಿತಿಗಳಲ್ಲಿ ಉದ್ಯೋಗಿಗಳಿಗೆ ತಕ್ಷಣ ನೆರವು ಸಿಗುವಂತೆ ಮಾಡಲು ಹಾಗೂ ಕ್ಲೈಮ್ ಪ್ರಕ್ರಿಯೆಯನ್ನು ಸುಲಭಗೊಳಿಸಲು ಈ ಕ್ರಮ ಕೈಗೊಳ್ಳಲಾಗಿದೆ.
ಹಿಂದೆ, ಪಿಎಫ್ ಹಣವನ್ನು ಹಿಂಪಡೆಯಲು ಸದಸ್ಯರು ನಿರ್ದಿಷ್ಟ ಕಾರಣಗಳನ್ನು ನೀಡಬೇಕಿತ್ತು ಮತ್ತು ಅದಕ್ಕೆ ಪೂರಕವಾದ ದಾಖಲೆಗಳನ್ನು ಸಲ್ಲಿಸಬೇಕಿತ್ತು. ಕಾರಣ ಅಥವಾ ದಾಖಲೆಗಳು ಸರಿಯಿಲ್ಲದಿದ್ದರೆ ಕ್ಲೇಮ್ಗಳು ತಿರಸ್ಕೃತಗೊಳ್ಳುತ್ತಿದ್ದವು. ಇದೀಗ, ಕ್ಲೇಮ್ ತಿರಸ್ಕರಣೆಗಳನ್ನು ತಗ್ಗಿಸಲು ಮತ್ತು ಅಗತ್ಯವಿರುವ ಸಂದರ್ಭಗಳಲ್ಲಿ ಉದ್ಯೋಗಿಗಳಿಗೆ ಸಮಯಕ್ಕೆ ಸರಿಯಾಗಿ ಆರ್ಥಿಕ ನೆರವು ಸಿಗುವಂತೆ ಮಾಡಲು EPFO ಈ ಹೊಸ ನಿರ್ಧಾರವನ್ನು ಕೈಗೊಂಡಿದೆ. ಇನ್ನು ಮುಂದೆ ಅರ್ಹ ಸದಸ್ಯರು ಯಾವುದೇ ಕಾರಣ ನೀಡದೆಯೇ 100% ಹಣವನ್ನು ಹಿಂಪಡೆಯಲು ಅರ್ಜಿ ಸಲ್ಲಿಸಬಹುದು.
ಯಾವ ಸಂದರ್ಭಗಳಲ್ಲಿ 100% PF ಹಣವನ್ನು ಪಡೆಯಬಹುದು
- ಕಂಪನಿಯು 15 ದಿನಗಳಿಗಿಂತ ಹೆಚ್ಚು ಕಾಲ ಲಾಕ್ಔಟ್ ಆಗಿದ್ದರೆ ಅಥವಾ ಮುಚ್ಚಲ್ಪಟ್ಟಿದ್ದರೆ.
- ಯಾವುದೇ ಪರಿಹಾರವಿಲ್ಲದೆ ಉದ್ಯೋಗಿ ನಿರುದ್ಯೋಗಿಯಾಗಿದ್ದರೆ.
- ಎರಡು ತಿಂಗಳಿಗಿಂತ ಹೆಚ್ಚು ಕಾಲ ಸಂಬಳ ಸಿಗದಿದ್ದರೆ.
- ಉದ್ಯೋಗಿಯ ಪ್ರಕರಣ ನ್ಯಾಯಾಲಯದಲ್ಲಿ ಬಾಕಿಯಿದ್ದರೆ.
- ಸೇವೆಯಿಂದ ವಜಾಗೊಳಿಸುವಿಕೆ, ನಿವೃತ್ತಿ ಅಥವಾ ಉದ್ಯೋಗ ಕಡಿತ (Layoff) ಸಂಭವಿಸಿದರೆ.
- ಕಂಪನಿ ದೀರ್ಘಕಾಲ ಮುಚ್ಚಲ್ಪಟ್ಟಿದ್ದರೆ.
- ಉದ್ಯೋಗಿ ನಿರುದ್ಯೋಗಿಯಾಗಿರುವ ಸಂದರ್ಭಗಳಲ್ಲಿ.
- ಗಂಭೀರ ಅನಾರೋಗ್ಯ ಅಥವಾ ಕುಟುಂಬ ಸದಸ್ಯರ ವೈದ್ಯಕೀಯ ಚಿಕಿತ್ಸೆಗೆ ಸಂಬಂಧಿಸಿದ ತುರ್ತು ಸಂದರ್ಭಗಳಲ್ಲಿ.
ಈ ಬದಲಾವಣೆಗಳಿಂದ ಉದ್ಯೋಗಿಗಳಿಗೆ ತುರ್ತು ಆರ್ಥಿಕ ಅಗತ್ಯಗಳ ಸಂದರ್ಭದಲ್ಲಿ ತಮ್ಮ ಪಿಎಫ್ ಉಳಿತಾಯವನ್ನು ಸುಲಭವಾಗಿ ಬಳಸಿಕೊಳ್ಳುವ ಅವಕಾಶ ದೊರೆಯಲಿದೆ.
