“ನೀವು ರಿಜೆಕ್ಟ್ ಮಾಡಬಹುದು, ಆದ್ರೆ ನಾನು ಒಪ್ಪಲ್ಲ” ಕಂಪನಿಯ ಇಮೇಲ್‌ಗೆ ಉದ್ಯೋಗಾಕಾಂಕ್ಷಿ ಕೊಟ್ಟ ರಿಪ್ಲೈ ವೈರಲ್

ಬೆಂಗಳೂರು: ಕೆಲಸದ ಹುಡುಕಾಟದಲ್ಲಿರುವವರಿಗೆ ರಿಜೆಕ್ಷನ್ ಇಮೇಲ್ ಬರುವುದು ಸಾಮಾನ್ಯ. ಆದರೆ, ಅಭ್ಯರ್ಥಿಯೊಬ್ಬರು ತಮಗೆ ಬಂದ ರಿಜೆಕ್ಷನ್ ಲೆಟರ್‌ಗೆ ನೀಡಿದ ಉತ್ತರ ಈಗ ಇಡೀ ಇಂಟರ್ನೆಟ್ ಲೋಕದಲ್ಲಿ ಸಂಚಲನ ಮೂಡಿಸಿದೆ. ಸಾಮಾನ್ಯವಾಗಿ ಕಂಪನಿಗಳು ನಿಮ್ಮ ಅಪ್ಲಿಕೇಶನ್ ತಿರಸ್ಕರಿಸಲಾಗಿದೆ” ಎಂದು ಇಮೇಲ್ ಕಳುಹಿಸಿದಾಗ ಅಭ್ಯರ್ಥಿಗಳು ಸುಮ್ಮನಾಗುತ್ತಾರೆ. ಆದರೆ ಕೀನ್ (Keane) ಎಂಬ ಈ ಯುವಕ ಮಾಡಿದ್ದೇ ಬೇರೆ

ಏನಿದು ಉಲ್ಟಾ ಹೊಡೆದ ಇಮೇಲ್?

ಕಂಪನಿಯಿಂದ “ನಾವು ಬೇರೆ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೇವೆ” ಎಂಬ ಸಂದೇಶ ಬಂದಾಗ, ಕೀನ್ ಅವರು ಅತ್ಯಂತ ಹಾಸ್ಯಭರಿತ ಮತ್ತು ಆತ್ಮವಿಶ್ವಾಸದ ರಿಪ್ಲೈ ನೀಡಿದ್ದಾರೆ. ಅವರು ಬರೆದ ಇಮೇಲ್ ಹೀಗಿದೆ:

“ನಾನು ನಿಮ್ಮ ರಿಜೆಕ್ಷನ್ ಇಮೇಲ್ ಅನ್ನು ಪರಿಶೀಲಿಸಿದ್ದೇನೆ. ನಿಮ್ಮ ನಿರ್ಧಾರ ತೆಗೆದುಕೊಳ್ಳುವ ಪ್ರಕ್ರಿಯೆ ನನಗೆ ಇಷ್ಟವಾಯಿತು. ಆದರೆ, ಈ ವರ್ಷ ನಾನು ಈಗಾಗಲೇ ಸಾಕಷ್ಟು ರಿಜೆಕ್ಷನ್ ಇಮೇಲ್‌ಗಳನ್ನು ಸ್ವೀಕರಿಸಿದ್ದೇನೆ. ಆದ್ದರಿಂದ, ಜಾಗರೂಕತೆಯಿಂದ ಯೋಚಿಸಿದ ನಂತರ, ಸದ್ಯಕ್ಕೆ ನಿಮ್ಮ ಈ ರಿಜೆಕ್ಷನ್ ಅನ್ನು ಸ್ವೀಕರಿಸದಿರಲು ನಾನು ನಿರ್ಧರಿಸಿದ್ದೇನೆ”

ನೆಟ್ಟಿಗರ ಮೆಚ್ಚುಗೆಯ ಸುರಿಮಳೆ:

ಕೀನ್ ಅವರ ಈ ‘ಉನೊ ರಿವರ್ಸ್ ಕಾರ್ಡ್’ (Uno Reverse Card) ತಂತ್ರಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಬೆಂಬಲ ವ್ಯಕ್ತವಾಗಿದೆ.

“ಕೆಲಸ ಸಿಗುತ್ತೋ ಇಲ್ಲವೋ ಗೊತ್ತಿಲ್ಲ, ಆದರೆ ಇವನ ಧೈರ್ಯಕ್ಕೆ ಒಂದು ಕೆಲಸ ಕೊಡಲೇಬೇಕು” ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.

“ಇನ್ಮುಂದೆ ನನಗೂ ರಿಜೆಕ್ಷನ್ ಇಮೇಲ್ ಬಂದರೆ ನಾನು ಇದನ್ನೇ ಕಾಪಿ-ಪೇಸ್ಟ್ ಮಾಡುತ್ತೇನೆ” ಎಂದು ಹಲವರು ತಮಾಷೆ ಮಾಡಿದ್ದಾರೆ.

“ಕಂಪನಿಗಳಿಗೆ ರಿಜೆಕ್ಷನ್ ಮಾಡುವ ಏಕಸ್ವಾಮ್ಯ ಇಲ್ಲ, ನಮ್ಮನ್ನೂ ಕೇಳಿ ರಿಜೆಕ್ಟ್ ಮಾಡಿ” ಎಂದು ಇನ್ನೊಬ್ಬರು ಕಾಲೆಳೆದಿದ್ದಾರೆ.

ಯುವಜನತೆಯ ಆಕ್ರೋಶ ಮತ್ತು ಹತಾಶೆಯ ಪ್ರತಿಬಿಂಬ?

ತಮಾಷೆಯಾಗಿ ಕಂಡರೂ, ಈ ಇಮೇಲ್ ಇಂದಿನ ಕಠಿಣ ಉದ್ಯೋಗ ಮಾರುಕಟ್ಟೆಯ ಪರಿಸ್ಥಿತಿಯನ್ನು ಪ್ರತಿಬಿಂಬಿಸುತ್ತಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಎಐ (AI) ಸ್ಕ್ರೀನಿಂಗ್ ಮತ್ತು ಯಾಂತ್ರಿಕ ರಿಜೆಕ್ಷನ್ ಇಮೇಲ್‌ಗಳಿಂದ ಬೇಸತ್ತಿರುವ ಯುವಜನತೆಗೆ ಕೀನ್ ಅವರ ಈ ಉತ್ತರ ಒಂದು ರೀತಿಯಲ್ಲಿ ಸಾಂತ್ವನ ನೀಡಿದಂತಿದೆ.