ನಟಿ ಶ್ರೀಲೀಲಾ ಸದ್ಯ ದಕ್ಷಿಣ ಭಾರತದ ಟಾಪ್ ಒನ್ ನಟಿ. ಕನ್ನಡದ ಕಿಸ್ ಚಿತ್ರದ ಮೂಲಕ ನಟನೆ ಆರಂಭಿಸಿದ ಶ್ರೀಲೀಲಾ ತನ್ನ ಭರ್ಜರಿ ಡಾನ್ಸ್ ಹಾಗೂ ನಟನಾ ಕೌಶಲ್ಯದಿಂದ ಬೇಗನೆ ತೆಲುಗು ಚಿತ್ರರಂಗದಲ್ಲಿ ಅವಕಾಶ ಗಿಟ್ಟಿಸಿಕೊಂಡು ಬ್ಯುಸಿಯಾಗಿಬಿಟ್ಟರು.
ಮಹೇಶ್ ಬಾಬು ರೀತಿಯ ಸೂಪರ್ ಸ್ಟಾರ್ಗೆ ನಟಿಯಾದ ಶ್ರೀಲೀಲಾ ರೇಂಜ್ ಬೇರೆಯದ್ದೇ ಲೆವೆಲ್ನಲ್ಲಿದ್ದು, ನಟಿ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ವದಂತಿಗಳು ಸಹ ಅಷ್ಟೇ ಮಟ್ಟದಲ್ಲಿವೆ.
ನಟಿ ಶ್ರೀಲೀಲಾ ಮದುವೆ, ಬಾಯ್ಫ್ರೆಂಡ್ ಎಂಬ ನಾನಾ ವೈಯಕ್ತಿಕ ವಿಚಾರಗಳ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗಳು ನಡೆಯುತ್ತಲೇ ಇದ್ದು, ಇತ್ತೀಚೆಗಷ್ಟೆ ಈ ವಿಷಯಕ್ಕೆ ಸಂಬಂಧಿಸಿದಂತೆ ಕ್ರಿಕೆಟಿಗನ ಜತೆ ಶ್ರೀಲೀಲಾ ಹೆಸರು ತಳುಕಿಹಾಕಿಕೊಂಡಿತ್ತು.
ಹೌದು, ಮುಂಬೈ ಇಂಡಿಯನ್ಸ್ ಸ್ಪೋಟಕ ಆಟಗಾರ ತಿಲಕ್ ವರ್ಮಾ ಜತೆ ಶ್ರೀಲೀಲಾ ಲವ್ನಲ್ಲಿ ಇದ್ದಾರೆ ಎಂಬ ಸುದ್ದಿಗಳು ದೊಡ್ಡ ಮಟ್ಟದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದವು. ಆದರೆ ಈ ಕುರಿತು ನಟಿ ಶ್ರೀಲೀಲಾ ಆಗಲಿ ಅಥವಾ ತಿಲಕ್ ವರ್ಮಾ ಆಗಲಿ ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ.
ಆದರೆ ಶ್ರೀಲೀಲಾ ತಾಯಿ ಡಾ. ಸ್ವರ್ಣಲತಾ ಈ ಕುರಿತು ಪ್ರತಿಕ್ರಿಯಿಸಿದ್ದು, ಇದೆಲ್ಲ ಸುಳ್ಳು ಎಂದು ಸ್ಪಷ್ಟನೆ ನೀಡಿದ್ದಾರೆ. ಡೆಕ್ಕನ್ ಕ್ರಾನಿಕಲ್ ಜತೆ ಮಾತನಾಡಿದ ಅವರು ಶ್ರೀಲೀಲಾ ಹಾಗೂ ತಿಲಕ್ ವರ್ಮಾ ಇಷ್ಟು ವರ್ಷಗಳಲ್ಲಿ ಒಮ್ಮೆಯೂ ಪರಸ್ಪರ ಭೇಟಿಯಾಗಿಲ್ಲ, ಹೀಗಿರುವಾಗ ಡೇಟಿಂಗ್ ಎಲ್ಲ ವದಂತಿ ಅಷ್ಟೇ ಎಂದು ಸ್ಪಷ್ಟನೆ ಕೊಟ್ಟಿದ್ದು, ಎಲ್ಲ ಸುದ್ದಿಗಳನ್ನು ತಳ್ಳಿಹಾಕಿದ್ದಾರೆ.
ಇನ್ನು ಈ ರೀತಿಯ ವದಂತಿ ಹುಟ್ಟಿಕೊಳ್ಳಲು ಕಾರಣ ಇದೇ ಶ್ರೀಲೀಲಾ ತಾಯಿ ಸ್ವರ್ಣಲತಾ ಮುಂಬೈ ಇಂಡಿಯನ್ಸ್ ಪಂದ್ಯವನ್ನು ವೀಕ್ಷಿಸಲು ಕ್ರೀಡಾಂಗಣಕ್ಕೆ ತೆರಳಿದ್ದರು. ಈ ವೇಳೆ ಸ್ವರ್ಣಲತಾ ಸ್ನೇಹಿತೆಯೊಬ್ಬರು ತಿಲಕ್ ವರ್ಮಾ ಹೆಸರಿರುವ ಜೆರ್ಸಿ ಧರಿಸಿದ್ದರು, ಹೀಗಾಗಿ ಈ ವದಂತಿ ಹಬ್ಬಿತು ಎಂದು ಹೇಳಲಾಗಿತ್ತು.
