46 ಪೈಸೆ ಬಾಕಿಗೆ HDFC ವಿಧಿಸಿದ ವಿಳಂಬ ಪಾವತಿ ಶುಲ್ಕ ₹1,200

ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿ ಮಾಡುವಾಗ ಸಣ್ಣ ವ್ಯತ್ಯಾಸವಾದರೂ ಬ್ಯಾಂಕುಗಳು ಎಷ್ಟರಮಟ್ಟಿಗೆ ಬಿಸಿ ಮುಟ್ಟಿಸುತ್ತವೆ ಎಂಬುದಕ್ಕೆ ಇಲ್ಲೊಂದು ಸ್ಪಷ್ಟ ನಿದರ್ಶನ ಸಿಕ್ಕಿದೆ. ಬಿಲ್‌ನಲ್ಲಿ ಕೇವಲ 46 ಪೈಸೆ ಕಡಿಮೆ ಕಟ್ಟಿದ್ದಕ್ಕೆ ಗ್ರಾಹಕರೊಬ್ಬರಿಗೆ ಬ್ಯಾಂಕ್‌ ಬರೋಬ್ಬರಿ ₹1,200ಕ್ಕೂ ಅಧಿಕ ವಿಳಂಬ ಪಾವತಿ ಶುಲ್ಕ (Late Payment Fee) ವಿಧಿಸಿದ್ದು, ಈ ಘಟನೆ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.

ಏನಿದು ಘಟನೆ?

ಡಾ. ಸಮೀರ್ ಕಾಗಲ್ಕರ್ ಎಂಬ ಗ್ರಾಹಕರು ತಮ್ಮ ಎಚ್‌ಡಿಎಫ್‌ಸಿ (HDFC) ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ನ ₹10,649.46 ಬಿಲ್ ಪಾವತಿಸುವಾಗ ಆಕಸ್ಮಿಕವಾಗಿ ₹10,649 ಪಾವತಿಸಿದ್ದರು. ಅಂದರೆ ಕೇವಲ 46 ಪೈಸೆ ಮಾತ್ರ ಬಾಕಿ ಉಳಿದಿತ್ತು. ಆದರೆ, ಮುಂದಿನ ಬಿಲ್ ಬಂದಾಗ ಬ್ಯಾಂಕ್ ಈ ಅತ್ಯಲ್ಪ ಮೊತ್ತಕ್ಕಾಗಿಯೇ ₹1,200ಕ್ಕೂ ಹೆಚ್ಚು ದಂಡ ಮತ್ತು ಜಿಎಸ್‌ಟಿ ಸೇರಿಸಿ ಕಳುಹಿಸಿದೆ. ಕಸ್ಟಮರ್ ಕೇರ್ ಸಿಬ್ಬಂದಿಗೆ ಕರೆ ಮಾಡಿದರೂ ಯಾವುದೇ ಪ್ರಯೋಜನವಾಗದಿದ್ದಾಗ, ಅವರು ‘X’ (ಟ್ವಿಟರ್) ಖಾತೆಯಲ್ಲಿ ಬ್ಯಾಂಕ್ ಅನ್ನು ಟ್ಯಾಗ್ ಮಾಡಿ ತಮ್ಮ ಆಕ್ರೋಶ ಹೊರಹಾಕಿದ್ದಾರೆ.

https://www.instagram.com/p/DcN4ApPT8Mo/?utm_source=ig_embed&utm_campaign=loading” data-instgrm-version=”14″ style=” background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% – 2px); width:calc(100% – 2px);”>

https://www.instagram.com/p/DcN4ApPT8Mo/?utm_source=ig_embed&utm_campaign=loading” style=” background:#FFFFFF; line-height:0; padding:0 0; text-align:center; text-decoration:none; width:100%;” target=”_blank”>

View this post on Instagram

https://www.instagram.com/p/DcN4ApPT8Mo/?utm_source=ig_embed&utm_campaign=loading” style=” color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;” target=”_blank”>A post shared by Startup Home (@startup_home)

">www.instagram.com/embed.js”>

ಇಷ್ಟೊಂದು ದೊಡ್ಡ ದಂಡ ವಿಧಿಸಲು ಕಾರಣವೇನು?

ಸಾಮಾನ್ಯವಾಗಿ ಬ್ಯಾಂಕುಗಳ ಕ್ರೆಡಿಟ್ ಕಾರ್ಡ್ ಸಿಸ್ಟಮ್ ಆಟೋಮೇಟೆಡ್ ಆಗಿ ಕೆಲಸ ಮಾಡುತ್ತದೆ. ನಿಯಮಗಳ ಪ್ರಕಾರ, ಒಟ್ಟು ಬಿಲ್ ಮೊತ್ತದಲ್ಲಿ ಕೇವಲ 1 ರೂಪಾಯಿ ಅಥವಾ ಕೆಲವು ಪೈಸೆ ಬಾಕಿ ಉಳಿಸಿಕೊಂಡರೂ, ಬ್ಯಾಂಕುಗಳು ಆ ತಿಂಗಳ ಪೂರ್ಣ ಮೊತ್ತಕ್ಕೆ ದೊರೆಯುವ ಬಡ್ಡಿರಹಿತ ಅವಧಿಯನ್ನು ರದ್ದುಗೊಳಿಸುತ್ತವೆ. ಪರಿಣಾಮವಾಗಿ, ಕೇವಲ ಬಾಕಿ ಉಳಿದ 46 ಪೈಸೆಗೆ ಮಾತ್ರವಲ್ಲದೆ, ಇಡೀ ₹10,649 ಮೊತ್ತಕ್ಕೆ ಮೊದಲ ದಿನದಿಂದಲೇ ಬಡ್ಡಿ ಮತ್ತು ತಡಶುಲ್ಕವನ್ನು ಲೆಕ್ಕ ಹಾಕಿ ದಂಡ ವಿಧಿಸಲಾಗುತ್ತದೆ.

ಗಾಳಿಗೆ ತೂರಲಾಯಿತೇ ಆರ್‌ಬಿಐ ನಿಯಮಗಳು?

ಸಾಮಾಜಿಕ ಜಾಲತಾಣಗಳಲ್ಲಿ ನೆಟ್ಟಿಗರು ಈ ಘಟನೆಯನ್ನು ತೀವ್ರವಾಗಿ ಖಂಡಿಸಿದ್ದು, ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಮಾರ್ಗಸೂಚಿಗಳನ್ನು ಪ್ರಸ್ತಾಪಿಸಿದ್ದಾರೆ:

ಪೂರ್ಣಾಂಕ (Rounding off) ನಿಯಮ: ಆರ್‌ಬಿಐ ನಿಯಮಗಳ ಪ್ರಕಾರ, ಯಾವುದೇ ಬಿಲ್‌ನಲ್ಲಿ 50 ಪೈಸೆಗಿಂತ ಕಡಿಮೆ ಇದ್ದರೆ (46 ಪೈಸೆ) ಅದನ್ನು ನಿರ್ಲಕ್ಷಿಸಿ ಹತ್ತಿರದ ರೂಪಾಯಿಗೆ ಪೂರ್ಣಾಂಕಗೊಳಿಸಬೇಕು.

ಬಾಕಿ ಮೊತ್ತಕ್ಕೆ ಮಾತ್ರ ದಂಡ: ಬ್ಯಾಂಕುಗಳು ಗ್ರಾಹಕರು ಪಾವತಿಸದೇ ಉಳಿಸಿಕೊಂಡಿರುವ ‘ಬಾಕಿ ಮೊತ್ತ’ದ (Out standing amount) ಮೇಲೆ ಮಾತ್ರ ದಂಡ ಲೆಕ್ಕ ಹಾಕಬೇಕೇ ಹೊರತು, ಈಗಾಗಲೇ ಪಾವತಿಸಲಾದ ಒಟ್ಟು ಬಿಲ್ ಮೊತ್ತದ ಮೇಲಲ್ಲ.

ಈ ಪ್ರಕರಣದಲ್ಲಿ ಬ್ಯಾಂಕ್ ಆರ್‌ಬಿಐ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದಂತೆ ಕಾಣುತ್ತಿದ್ದು, ಡಾ. ಸಮೀರ್ ಕಾಗಲ್ಕರ್ ಅವರು ವಿಧಿಸಲಾದ ದಂಡವನ್ನು ತಕ್ಷಣವೇ ಹಿಂಪಡೆಯಬೇಕೆಂದು ಆಗ್ರಹಿಸಿದ್ದಾರೆ.