ವೀಗನ್ (Vegan) ಜೀವನಶೈಲಿ ಅನುಸರಿಸುವವರಿಗಾಗಿ ಅಥವಾ ಹಾಲಿನ ಉತ್ಪನ್ನಗಳಿಂದ ದೂರವಿರುವವರಿಗಾಗಿ ಪ್ರಾಣಿಜನ್ಯ ಪದಾರ್ಥಗಳನ್ನು ಬಳಸದೆ ತಯಾರಿಸುವ ‘ವೀಗನ್ ಪಜ್ಜಾ’ ಉತ್ತಮ ಆಯ್ಕೆಯಾಗಿದೆ. ಸಸ್ಯಜನ್ಯ ಚೀಸ್ ಬಳಸಿ ತಯಾರಿಸುವ ಈ ಪಜ್ಜಾ ರುಚಿಯಲ್ಲಿ ಸಾಮಾನ್ಯ ಪಜ್ಜಾಕ್ಕಿಂತ ಯಾವುದರಲ್ಲೂ ಕಡಿಮೆ ಇಲ್ಲ. ಇದನ್ನು ಮನೆಯಲ್ಲೇ ಸರಳವಾಗಿ ತಯಾರಿಸುವ ವಿಧಾನ ಇಲ್ಲಿದೆ.
ಬೇಕಾಗುವ ಪದಾರ್ಥಗಳು:
ಡ್ರೈ ಈಸ್ಟ್ (Dried yeast): ಅರ್ಧ ಟೀ ಚಮಚ
ಉಗುರು ಬೆಚ್ಚಗಿನ ನೀರು: ಕಾಲು ಕಪ್
ಮೈದಾ ಹಿಟ್ಟು: ಮುಕ್ಕಾಲು ಕಪ್
ಉಪ್ಪು: ಅರ್ಧ ಟೀ ಚಮಚ
ಆಲಿವ್ ಆಯಿಲ್: 1 ಟೇಬಲ್ ಚಮಚ
ಪಜ್ಜಾ ಸಾಸ್: ಅರ್ಧ ಕಪ್
ವೀಗನ್ ಮೊಝರೆಲ್ಲಾ ಮತ್ತು ಚೆಡ್ಡಾರ್ ಚೀಸ್: ತಲಾ ಅರ್ಧ ಕಪ್ (ತುರಿದಿರುವುದು)
ಇಟಾಲಿಯನ್ ಸೀಸನಿಂಗ್ (ಪಜ್ಜಾ ಮಸಾಲೆ): ಅರ್ಧ ಟೀ ಚಮಚ
ತಯಾರಿಸುವ ವಿಧಾನ:
1. ಹಿಟ್ಟಿನ ಸಿದ್ಧತೆ:
- ಮೊದಲು ಈಸ್ಟ್ ಮತ್ತು ನೀರನ್ನು ಬೆರೆಸಿ 5 ನಿಮಿಷಗಳ ಕಾಲ ನೆನೆಯಲು ಬಿಡಿ.
- ಒಂದು ದೊಡ್ಡ ಪಾತ್ರೆಯಲ್ಲಿ ಮೈದಾ ಮತ್ತು ಉಪ್ಪು ಸೇರಿಸಿ. ಮಧ್ಯದಲ್ಲಿ ಈಸ್ಟ್ ಮಿಶ್ರಣ ಮತ್ತು ಆಲಿವ್ ಆಯಿಲ್ ಹಾಕಿ ಚೆನ್ನಾಗಿ ಕಲಸಿ.
- ಹಿಟ್ಟು ಮೃದುವಾಗುವವರೆಗೆ ಕೈಯಿಂದ ಚೆನ್ನಾಗಿ ನಾದಿಕೊಳ್ಳಿ. ನಂತರ ಎಣ್ಣೆ ಹಚ್ಚಿದ ಪಾತ್ರೆಯಲ್ಲಿ ಹಿಟ್ಟನ್ನು ಇಟ್ಟು, ಪ್ಲಾಸ್ಟಿಕ್ ಕವರ್ನಿಂದ ಮುಚ್ಚಿ 30 ನಿಮಿಷಗಳ ಕಾಲ ಬಿಡಿ.
2. ಪಜ್ಜಾ ಬೇಸ್ ತಯಾರಿಕೆ:
- ಓವನ್ ಅನ್ನು 190 ಡಿಗ್ರಿ ಸೆಲ್ಸಿಯಸ್ಗೆ ಪ್ರಿಹೀಟ್ ಮಾಡಿ.
- ಹಿಟ್ಟನ್ನು ಮತ್ತೊಮ್ಮೆ ನಾದಿಕೊಂಡು, ಸುಮಾರು 12 ಇಂಚಿನ ವೃತ್ತಾಕಾರದಲ್ಲಿ ಲಟ್ಟಿಸಿಕೊಳ್ಳಿ.
- ಇದನ್ನು ಪಜ್ಜಾ ಪ್ಯಾನ್ ಮೇಲೆ ಇರಿಸಿ ಮೊದಲು 10-12 ನಿಮಿಷಗಳ ಕಾಲ ಬೇಕ್ ಮಾಡಿ.
3. ಟಾಪಿಂಗ್ಸ್ ಮತ್ತು ಬೇಕಿಂಗ್:
- ಬೇಕ್ ಮಾಡಿದ ಬೇಸ್ ಅನ್ನು ಹೊರತೆಗೆದು ಅದರ ಮೇಲೆ ಪಜ್ಜಾ ಸಾಸ್ ಸವರಿ.
- ನಂತರ ವೀಗನ್ ಚೀಸ್ ಮತ್ತು ಇಟಾಲಿಯನ್ ಸೀಸನಿಂಗ್ ಅನ್ನು ಮೇಲೆ ಉದುರಿಸಿ.
- ಮತ್ತೆ 10-12 ನಿಮಿಷಗಳ ಕಾಲ ಅಥವಾ ಚೀಸ್ ಕರಗುವವರೆಗೆ ಬೇಕ್ ಮಾಡಿ.
ಬಿಸಿ ಬಿಸಿಯಾದ ಮತ್ತು ಸ್ವಾದಿಷ್ಟವಾದ ವೀಗನ್ ಪಜ್ಜಾ ಈಗ ಸವಿಯಲು ಸಿದ್ಧ.
